As Fragas do Eume seguen en perigo
O Parque Natural das Fragas do Eume protexe dende 1997 un dos bosques máis importantes de Europa, tanto pola súa extensión como polo seu grao de conservación.
Guerrilleir@s das Fragas – FEG, dirixiu un escrito ó Conselleiro de Medio Ambiente, poñendolle en coñecemento a existencia dunha línea eléctrica en desuso na desembocadura do río Fray Bermuz (Monfero), que atravesa o bosque mellor conservado, e unha parte introdúcese no río, poñendo en perigo a rica avifauna da zona. Guerrilleir@s das Fragas – FEG considera que a empresa propietaria da infraestructura eléctrica debe retirala.
Por outra banda Guerrilleir@s das Fragas – FEG aproveita a ocasión para lembrarlle outros problemas ambientais do Espacio Natural Protexido (ENP).
– Ausencia de compensacións ós propietarios afectados polas medidas conservacionistas.
– Existencia de proxectos de elevado custo ambiental tanto no interior como no perímetro exterior do ENP: mina de Andalucita (Monte Fontardión), trasvase de auga do Eume, parques eólicos (Penafesa-Cisterna-Raño), concentracións parcelarias (Piñeiro,Xermade)
– Inexistencia de programas de Educación ambiental específicos para os afectados polo Parque Natural.
– Contratación de persoal pouco transparentes. P.ex. Educadores ambientais, normalmente emprégaronse para contratar amigos e cuñados, ou pagar favores políticos.
Finalmente esperamos que o novo governo traballe para correxir estes problemas dotando ó ENP dunha partida presupuestaria anual seria.
