A FEG puxo en marcha a campaña «As Dunas, Espazos Únicos a Conservar»
A FEG (Federación Ecoloxista Galega), organización que aglutina o traballo de 14 grupos ecoloxistas de toda Galicia, deseñou e realizou o material divulgativo da campaña "Dunas: Espazos únicos a conservar".
Xustificación
A necesidade de compatibilizar o desenvolvemento socioeconómico coa conservación da natureza é cada vez máis necesaria, de modo que, por exemplo, a conservación de certos espazos naturais non se poña en perigo en nome dun progreso insustentable e mal entendido.
Un dos maiores problemas na conservación dos espazos costeiros é a presión urbanística. Asumindo a máxima "coñecer para protexer", esta campaña pretende descobrer os tesouros naturais agochados nas areais dunares.
Obxectivos da campaña:
Dar a coñecer a biodiversidade das dunas do litoral galego. Poñer á disposición da sociedade material divulgativo e didáctico sobre os sistemas dunares. Concienciar da necesidade de conservar os ecosistemas dunares.
Cales son as razóns para preservar as dunas?
Materias da campaña:
* Exposición de 5 paneis, coas seguintes temáticas:
– definición de duna
– partes e dinámica do ecosistema
– flora
– fauna
– impactos nas dunas.
Está deseñada para ser visitada por público en xeral.
* Unidade didáctica, con información para docentes e actividades para alumnos de último ciclo de primaria e alumnos de secundaria.
* Presentación en Power-Point sobre os sistemas dunares galegos, destinado aos docentes.
* Folleto divulgativo sobre os valores das dunas.
* Carteis anunciadores da exposición.
Os materiais foron impresos coa colaboración económica da Consellaría de Medio Ambiente da Xunta de Galicia.
