25/02/ 2006

Que se di na prensa de febreiro:

Filed under: Prensa

(more…)

24/02/ 2006

Os ecoloxistas galegos escollen ás Fragas do Eume para explicar a contribución de Galiza cara o mantemento da biodiversidade na Conferencia Virtual Curitiba sobre a diversidade biolóxica.

Filed under: Flora e Fauna, Espazos Naturais

O organismo do Convenio Sobre a Diversidade Biolóxica dependente do programa Onu para o Medio Ambiente cursou o 22 de febreiro unha invitación dende Montreal por medio do seu secretario executivo Dr.Ahmet Djoghlaf a ONG de todo o mundo a participar nun foro no que se contrasten as fortalezas e debilidades das distintas experiencias levadas adiante para a conservación da riqueza da variabilidade ecolóxica do planeta, a Conferencia Virtual Curitiba sobre a diversidade biolóxica, debate preparatorio do grande cumio sobre a biodiversidade a celebrar na cidade de Brasil de Curitiba o próximo mes de marzo.

(more…)

22/02/ 2006

Actividade de Febreiro: Aves da enseada

Filed under: Flora e Fauna, Espazos Naturais

O sábado 25 de febreiro ás 10:30 da mañá, asistiremos a unha observación das aves da enseada do Vao con axuda de telescopios e guías. Se tes prismáticos ou telescopio, non deixes de levalo

21/02/ 2006

O Parlamento di si á ILP

Filed under: Augas e Ríos

O Parlamento Galego aprobou en consideración da Iniciativa Lexislativa Popular en Defensa dos Ríos e dos ecosistemas fluviais defendida por Daniel Vispo, en representación de todos os colectivos que promoveron esta iniciativa.

(more…)

Conflito diplomático: Antón Masa, en Buenos Aires EL AMBIENTALISTA QUE GAÑOU UNHA LOITA EN ESPAÑA

Filed under: Litoral, Prensa, Contaminación

Logo de 18 anos de denunciar na súa provincia, Pontevedra, á empresa papeleira española ENCE por contaminación, foi esa mesma pelexa a que trouxo a Antón Masa, por primeira vez, deste lado do océano Atlántico.

(more…)

Luita Verde demanda da Xunta de
Galicia que amplíe para todas as Rías
Baixas a solicitude de candidatura das
Illas Atlánticas a formar parte
da Rede mundial de Reservas da Biosfera.

Filed under: Litoral, Espazos Naturais

Esta figura internacional baseada no programa “Home e Biosfera” da UNESCO, que se fundamenta na promoción dunha relación equilibrada entre os seres humanos e a biosfera, a conservación da diversidade biolóxica e o uso sostible dos compoñentes dos sistemas naturais, ademais de acoller as Illas Atlánticas como zona núcleo, reservada para a conservación a longo prazo de especies e ecosistemas, podería integrar no seu seno como zonas tampón importantes espazos naturais como os espazos Rede Natura 2000….

(more…)

20/02/ 2006

A ILP ENTRA NO PARLAMENTO

Filed under: Augas e Ríos

Este martes día 21 de febreiro ás 10 h, debaterase no Parlamento Galego a toma en consideración da Iniciativa Lexislativa Popular en Defensa dos Ríos Galegos. O secretario xeral de ADEGA, Daniel López Vispo, defenderá na tribuna a proposta apoiada por case 40.000 galegos e galegas.

PROPOSICIÓN DE LEI DE INICIATIVA LEXISLATIVA POPULAR PARA A PROTECCIÓN, CONSERVACIÓN E MELLORA DOS RÍOS GALEGOS
(more…)

18/02/ 2006

Informe da andaina en defensa do bidueiral de Montederramo

Filed under: Denuncia, Espazos Naturais, Caza e Pesca

O Comité de Defensa do Monte Galego (CDMG) reitera que os danos producidos no ecosistema forestal “Bidueiral de Montederramo”, de non retirar o valado (peche con malla cinexética) e de non cambiar a explotación cinexética de caza maior, en pouco tempo serán irreversibles perdendo a provincia o mellor bosque autóctono con que conta dentro do seu patrimonio natural.

(more…)

10/02/ 2006

Aparecen tres lobos decapitados en montes do Concello de Rodeiro.

Filed under: Flora e Fauna, Caza e Pesca

A Federación Ecoloxista Galega mostra a súa profunda indignación polo macabro suceso relacionado coa aparición de tres lobos decapitados en Rodeiro, tratándose dun acto delitivo moi grave contra a fauna salvaxe e que pon en evidencia a debilidade dos mecanismos establecidos para o fomento do respecto á fauna e medio natural en xeral.

(more…)

A próxima reunión en torno ó problema de Pena Corneira será o 22 de Febrero

Filed under: Denuncia, Espazos Naturais

Amigos da Terra, a FEG (Federación Ecoloxista Galega), o Clube UNESCO O Ribeiro, o Centro de Estudios Medievais e Ridimoas xuntáronse de novo o 8 de febreiro na Casa dos Condes de Ribadavia.

(more…)

08/02/ 2006

A Consellería de Industria inicia os trámites para a autorización dun novo parque eólico nun espacio natural protexido a pesar do anuncio da moratoria da consellería de Medio Ambiente.

Filed under: Litoral, Espazos Naturais, Eólicas

A FEG denuncia o inicio de tramitación para un novo parque eólico en Rede Natura 2000. O DOGA de hoxe faise eco dun anuncio da Delegación provincial de Industria de A Coruña pola que se solicita un novo parque eólico baixo a denominación de “Muxía 1º fase” promovido pola empresa Desarrollos Eólicos S.A con domicilio social en Sevilla, concibido para o entorno inmediato ao Cabo Touriñán e afectando un treito do LIC “Costa da Morte”.

(more…)

Concentración “antipapeleiras” en solidariedade cos pobos de Arxentina e Uruguai.

Filed under: Denuncia, Convocatoria

A “Asociación Pola Defensa da Ría” fai un chamamento á poboación da bisbarra pontevedresa, e dun xeito particular a todas aquelas persoas que veñen apoiando a loita contra a presencia da fábrica de ENCE na nosa Ría, a expresar a súa solidariedade cos pobos de Arxentina e Uruguai asistindo este SÁBADO DÍA 11 ás 12 da mañán, á CONCENTRACIÓN DIANTE DO CONSULADO URUGUAIO EN VIGO (Marqués de Valladares 35) convocada pola recentemente creada “PLATAFORMA SOLIDARIA CO MOVEMENTO ANTIPAPELEIRAS NO RIO URUGUAI”, plataforma da que forma parte a propria APDR.

(more…)

Reunión de grupos do Morrazo pola defensa do litoral

Filed under: Xestión Ambiental, Litoral

Reuníronse o sábado en Bueu mais de vinte persoas representando diferentes colectivos do Morrazo preocupados pola defensa do litoral: Anduxía de Bueu, Luita Verde de Moaña, Chilreu de Aguete, Colectivo Nacionalista de Marín, Amigos do Morrazo Verde de Moaña, APDR Asemblea de Marín, Asociación de Veciños O Tombo de Ardán, CIMO-Castelao de Aguete e Foro Social de Cangas.

(more…)

06/02/ 2006

Novo Plan de residuos sen diálogo social?

Filed under: Residuos, Denuncia

O Director Xeral de Avaliación e Calidade Ambiental aínda non recibiu aos ecoloxistas.
A entrada do bipartito ao goberno da Xunta no xuño pasado deixou no aire o desenvolvemento e implantación do novo Plan de Xestión de Residuos Urbanos de Galicia 2004-2010. Este plan foi duramente criticado polos ecoloxistas xa que supuña unha continuidade na política de incineración no noso país (adicábanse 15 millóns de € para a construcción dunha nova incineradora) e incumplía no caso da compostaxe os obxectivos marcados polo Plan Nacional de Residuos español.

(more…)

A “APDR” solicita os datos de vertido de “ENCE” correspondentes ao ano 2005.

Filed under: Augas e Ríos, Residuos, Denuncia

A “Asociación Pola Defensa da Ría” ven de solicitar diante de “Augas de Galicia” (Consellería de Medio Ambiente e Desenvolvemento Sostible da Xunta de Galicia) os datos de vertido da empresa ENCE correspondentes ao ano 2005, tanto no que fai a aquelas mostras tomadas á saída da fábrica (con anterioridade á entrada no emisario submariño) como dos controis realizados sobre o medio receptor e sobre os organismos zoobentónicos, os moluscos e os sedimentos da Ría, controis todos eles aos que están obrigados de acordo co establecido na autorización de vertido do 9 de xullo de 2003.

(more…)

04/02/ 2006

“A propósito de Touriñan II”

Filed under: Denuncia, Litoral

Vimos de escoitar por parte de varios persoeiros do goberno galego de rolda pola feira de turismo FITUR que será prioridade xestionar a conservación da paisaxe galega, e en particular a do litoral cun notorio destaque pola Costa da Morte. Declaracións na liña de coidar a paisaxe coma reclamo e eixo principal para unha nova estratexia de desenvolvemento de determinadas zonas galegas con potencial turístico. A paisaxe ten que ser entendida nun sentido amplo, que abranga a cultura, o ambiente, os espazos naturais, o pobo e a súa personalidade antropolóxica, o ritmo do tempo e a percepción da calma e tranquilidade dun entorno inalterado e/ou da fereza do Atlántico. Non se pode entender a Costa da Morte sen a conxunción de todos estes elementos, pois estamos ante o produto dun modelo de desenvolvemento con claras raíces no tradicional e que foi quen de encaixar no presente a cultura e a paisaxe coma elementos indisociábeis. O salto á modernidade entendida con complexos dá lugar á desconexión con todo o propio e coñecido destes lares, aliméntase da insustentabilidade e rompe coa diversidade dos valores establecidos. Entón esta modernidade, para quen se presenta realmente coma unha oportunidade?

(more…)

03/02/ 2006

A Federación Ecoloxista Galega considera que poucos son os espazos que recibiran o indulto das eólicas.

Filed under: Espazos Naturais, Enerxía, Eólicas

É necesaria a moratoria ao Plano Eólico no seu conxunto. Hai que poñer remedio a anárquica situación derivada co aproveitamento eólico en Galiza nunha situación na que nestes momentos se pode considerar de absoluta improvisación na toma de decisións. A planificación eólica galega aséntase nas bases dun modelo de xestión do recurso obsoleto e cunha forte pegada ambiental e no que os promotores acadaron tódalas concesións reivindicadas ao anterior goberno. Así o deseño do plano eólico non tivo en conta posibles zonas de exclusión relacionadas cos espazos naturais galegos e con territorios sensibles pola súa fauna, flora ou paisaxe.

(more…)

Denuncia administrativa contra ENCE por vertidos

Filed under: Residuos, Denuncia, Xestión Ambiental

Tal e como tiñámos anunciado, con data de onte día 2 de febreiro, a APDR ten interposto DENUNCIA ADMINISTRATIVA contra ENCE polo incumprimento da autorización de vertido e da lexislación de vertidos á Ría.

(more…)

02/02/ 2006

II Andaina pola Defensa do Bidueiral de Monderramo

Filed under: Espazos Naturais, Montes e incendios

Nos dous días de andaina por San Mamede emboscaremonos nesta serra mítica, chea de lendas e de historia (homes lobo, refuxio de guerrilleiros, fadas, trasnos, carboeiros…).

(more…)

01/02/ 2006

S.O.S. Touriñán: O microfilme

Filed under: Xestión Ambiental, Espazos Naturais

A importante productora do audiovisual, Arredemo-tv, con títulos coñecidos como Hai que Botalos (HqB), ven de colgar na rede a súa última producción S.O.S Touriñán.

No microfilme poderedes contemplar a inpagabel paisaxe do cabo Touriñán, pagada e comprada por Pescanova a prezo de ganga para chantarnos a piscifactoría de rodaballo "máis grande do mundo", expresión hiperbólica só comparable ao impacto ambiental que vai supor o proxecto na Costa da Morte.

Para poder baixar o microfilme, premede na imaxe.

Comeza deste xeito a se perfilar a campaña de colectivos sociais e ecoloxistas que se está a preparar para informar aos cidadáns e sensibilizalos perante esta triple ameaza ecolóxica, económica e cultural.

Na páxina www.arredemo.net/sostourinham/, irase informando, poderase aportar ideas e participar nas accións que se leven a cabo.






















Get free blog up and running in minutes with Blogsome | Theme designs available here