Primeiros actos de S.O.S. Touriñan
Baixo o lema UN PASO POR DIANTE, PAGAI!, os colectivos sociais promotores, pretenden declarar anualmente un ou varios espazos de alto valor natural/cultural como parte do PAtrimonio GAlego Irrenunciábel, perante a pasividade da administración. Neste senso, queremos amosar que a cidadanía galega responsábel vai sempre un paso por diante dos poderes públicos na defensa do seu patrimonio identitario, contrapoñendo o compromiso e a acción fronte á indiferenza e o desleixo.
Outros actos desta campaña son:
– Venres 31 de Marzo: mesa redonda sobre a xestión dos espazos litorais. Terá lugar na Galería Sargadelos de Compostela, ás 6 da tarde, e nela intervirán representantes de diversos colectivos que como ADEGA, a FEG, Burla Negra, o Foro Social de Cangas, Mardelira, Salvemos Monteferro, Confrarías, así como expertos en xestión ambiental, expoñerán a problemática dos nosos espazos litorais e as alternativas para o seu aproveitamento sustentábel. Presentarase tamén o microfilme “SOS TOURIÑÁN”.
– Venres 21 de abril: acto no Teatro Principal no que se designarán os PAGAIs deste ano.
– Domingo 23 de abril: roteiro reivindicativo pola Costa da Morte até Touriñán, organizado por ADEGA-Costa da Morte.
Descarga eiquí o folleto do roteiro.
