Seis meses de paralización do proxecto de o Porto Deportivo
O que ten por un lado de tristura de que en seis meses as administracións e organismos ainda non foran quén de resolver esta situación de trámites irregulares, intereses especulativos e falla de dialogo, ten por outro a satisfacción de mirar que con vontade popular, traballo e apoio de moi diferentes colectivos e persoas particulares é posible pararlle os pes ós poderes económicos que están habituados a manipular a legalidade na percura do seu propio beneficio, sempre con propostas de desenvolvemento destructor completamente pasadas de data.
A nosa reivindicación é que sexan os cangueses os que decidan sobre esta importante zona e pensamos que con respeito a natureza, os recursos e os sectores económicos que teñen realmente peso na economía de Cangas se debe lograr un desenvolvemento efectivo muito mais acorde cos tempos actuais e que fortalezan a cohesión social e non creen un Cangas para ricos e outro para servidores dos ricos.
