As nucleares e quito: un vello debate con novos argumentos
A central nuclear de Zorita (Cidade Real) deixou definitivamente de funcionar a partir das 23:30 horas deste 30 de abril, en virtude dun acordo do ano 2002 da Comisión de Industria do Parlamento. Remata así parte dun longo pesadelo de case 40 anos (quedan aínda 9 até o seu completo desmantelamento), mais o mal soño da enerxía nuclear e dos seus refugallos parece non ter fin. Con motivo da parada definitiva desta central, e fronte a certas voces que coa excusa de frear o cambio climático queren resucitar o negocio da industria nuclear, ADEGA volta a insistir que a opción nuclear segue a ser absolutamente inaceptábel, tanto dende o punto de vista ambiental, da saúde e da solidariedade, como dende o punto de vista económico e da seguridade.
