Este sábado, día 20, a Asociación para a Defensa Ecolóxica de Galiza (ADEGA) participou en Madrid xunto con outras asociacións ecoloxistas e movimentos antinucleares do resto do Estado nunha reunión na que se suscribimos un manifesto polo peche das centrais nucleares. ADEGA recordou na rolda de prensa posterior que Galiza non pode quedar ao marxe do debate sobre o futuro da enerxía nuclear recordando a campaña que a cidadanía galega levou contra da instalación da Central Nuclear de Xove durante a segunda metade dos 70. Tamén recordou as grandes mobilizacións dos anos 81 e 82 de toda a sociedade galega en contra dos vertidos de residuos radiactivos na foxa atlántica para exemplificar que, aínda que Galiza non dispuña de centrais nucleares, ía soportar durante milleiros de anos os graves riscos derivados duns residuos radiactivos, para os que aínda hoxe a tecnoloxía non tén encontrado solución definitiva. (more…)

  248 especies de fauna e flora de Galicia están ameazadas de extinción en maior ou menor medida, segundo os datos recollidos no libro “A Natureza Ameazada 2004”, editado pola Sección de Patrimonio Natural do Consello da Cultura Galega e do que son autores diversos especialistas. 54 delas presentan un risco alto de extinción. Estes datos revelan unha considerábel perda de biodiversidade na nosa terra, que vai moito máis alá da regresión dalgunhas especies emblemáticas de aves e mamíferos. O empobrecemento do noso patrimonio de biodiversidade é un indicador importante de deterioración ambiental. No Día da Biodiversidade, a asociación ecoloxista Verdegaia demanda un maior compromiso institucional e social coa conservación da biodiversidade e, en particular, a implementación dunha política autonómica forte de conservación da natureza. (more…)