A FEG apoia a marcha “ENCE-ELNOSA fóra de Lourizán!” de Pontevedra
Quere expresar o APOIO Á MARCHA CONTRA CELULOSAS que a "Asociación Pola Defensa da Ría" ten convocado para o vindeiro SÁBADO 10 DE XUÑO ÁS 19,30 DA TARDE con saída desde as ALAMEDAS DE MARÍN E PONTEVEDRA e baixo o lema " PORQUE A RECUPERACIÓN DA RÍA, OS POSTOS DE TRABALLO, E A SAÚDE NON PODEN AGARDAR MÁIS… ENCE FÓRA DE LOURIZÁN".
A Federación Ecoloxista Galega, consciente de que ENCE ten provocado:
a. a destrución da Ría de Pontevedra, o medio ambiente e os recursos naturais.
b. a perda da saúde e a calidade de vida das persoas da bisbarra.
c. a perda do monte autóctono e da súa biodiversidade.
d. a perda de numerosos postos de traballo nos sectores pesqueiro, marisqueiro, forestal e turístico.
e. a ocupación física e a desaparición dos mellores bancos marisqueiros da Ría e as praias de Pontevedra.
E sabedora ademais de que ENCE :
a. foi condenada por delicto ecolóxico polos seus vertidos á Ría, as emisións á atmosfera e os danos causados na saúde das persoas.
b. impide o desenvolvemento sustentábel na comarca.
