O Colectivo Ecoloxista do Salnés está a pescudar sobre o funcionamento dos Puntos Limpos, lugares adaptados e adecuados ambientalmente para a recollida selectiva dos residuos perigosos e voluminosos de orixe doméstico, complementando así aos contenedores de recollida selectiva de materiais inocuos (vidro, papel, plásticos…)
ADEGA ven de presentar alegacións aos novos aproveitamentos hidroeléctricos solicitados no Xallas por Ferroatlántica
Nos últimos anos moitas das certificacións concedidas polo Forest Stewards Council (FSC) a plantacións forestais en Europa e América Latina teñen sido amplamente contestadas por organizacións de defensa ambiental e dos direitos humanos ao se comprobar como se veñen certificando enormes extensións de monocultivos xestionadas de xeito totalmente insustentabel e que están levando a pobreza a zonas escasamente desenvolvidas, expulsando moitas veces ás poboacións indíxenas do seu territorio.
O Río Sar ao seu paso por Santiago de Compostela estase convertindo nunha cañeira a ceo aberto. O degradado e maltratado rio Sar está a sufrir numerosos e habituais vertidos industriais e urbanos. Estes vertidos relizanse moitas veces en datas vacacionais e aproveitando as horas nocturnas o que os fai se cabe máis deplorábeis.
Ven de presentar alegacións contra o proxecto de aproveitamento hidroeléctrico de Novo Castrelo, Ponte Olveira II e Fervenza II no río Xallas, nos concellos de Mazaricos e Dumbría (A Coruña).
A FEG solicita á Consellería de Medio Ambiente que sexan rexeitados os tres novos proxectos de aproveitamento no río Xallas solicitados pola empresa Ferroatlántica, proxectos publicados no DOG o 22 de maio para exposición pública. A FEG lamenta que no caso de concederse, ademais de verse afectada a devandita carballeira, estragaríase definitivamente toda a bacía do río Xallas, precisamente aproveitando os treitos mellor conservados do río e que se atopan encaixados entre os granitos das estribacións do Pindo antes de chegar ó encoro de Santa Uxía, este último coñecido por secuestrar dende o ano 1988 as augas que vestían á espectacular fervenza do Ézaro. (more…)
O pasado sábado 8 de xullo, un novo verquido deixou unha paisaxe de mortandade na Praia de Carnota, concretamente na zona de Carrofeito, moi próxima a Boca de Río. Numerosos exemplares de anélidos, bivalvos, crustáceos, anguías e outras especies apareceron mortas na auga e na area mentres un cheiro noxento indicaba a presenza dun verquido de importantes dimensións.
VALORACIÓN DO PROXECTO : Se facemos caso ó sentido común, sinxelamente o proxecto non se debe facer, dende unha perspectiva da ordenación e xestión integral da costa é un proxecto imposible de compatibilizar co principal valor do lugar: a súa riqueza paisaxística, recurso estratéxico para a dinamización turística de Corrubedo.
ADEGA denuncia o uso de herbicidas para "acondicionar" as marxes dalgunhas estradas galegas.
Estas práticas, ademáis de contribuir á contaminación química dos acuíferos e ao envelenamento do medio, son un factor engadido de risco de incendios pola cantidade de biomasa vexetal seca que se amorea nas cunetas. ADEGA reclama o abandono destas práticas e a substitución por traballos de rozado mecánico con recuperación da materia orgánica.
Get free blog up and running in minutes with Blogsome | Theme designs available here