20/10/ 2006

A FEG e Amigos da Terra critican a actitude pouco participativa do consello forestal

Filed under: Montes e incendios

O PASADO 10 DE OUTUBRO, A FEG E AMIGOS DA TERRA ASISTIRON Á ANSIADA CONVOCATORIA DO CONSELLO FORESTAL

 

O 2 de decembro de 2004, o Consello do Goberno galego aprobou o decreto que regulaba este órgano de carácter consultivo para potenciar a participación e interacción entre a Administración e as entidades implicadas na xestión do monte. (more…)

19/10/ 2006

ADEGA recibe o 1º Premio “Eco-ejemplos 2006” da Obra Social Caja Madrid polo seu Programa de Compostaxe Caseira

Filed under: Educación ambiental, Residuos

O premio, partillado con Amigos da Terra, centráse na compostaxe caseira como exemplo de xestión sustentábel no tratamento dos resíduos orgánicos

 A Asociación para a Defensa Ecolóxica de Galiza (ADEGA) ven de ser galardoada co 1º Premio da Convocatoria “Eco-Ejemplos 06” da Obra Social Caja-Madrid, xunto coa asociación Amigos da Terra. Con estes premios, de ámeto estatal, a entidade convocante pretende recoñecer exemplos de actuacións respectuosas co medio e que sexan asumíbeis e recoñecíbeis pola sociedade como modelos a seguir; alén disto, pretende tamén fomentar accións encamiñadas a incentivar a conservación da natureza, a biodiversidade e o desenvolvemento sustentábel. (more…)

17/10/ 2006

O Visón americano, a industria peleteira e a acción directa

Filed under: Flora e Fauna

A solta de visóns realizada esta fin de semana representa unha grave ameaza para, anfibios, réptiles e aves. Máis tamén a industria peleteira é un exemplo de crueldade imperdoábel e innecesaria coa única finalidade de subministrar obxectos superfluos e elitistas. Unha vez máis, demóstrase que a irresponsabilidade ambiental de determinados colectivos e a existencia dunha industria baseada na crueldade animal e sen ningún tipo de control conforman un cóctel explosivo con fondas consecuencias para o entorno.

(more…)

ADEGA e a CIG denuncian o desvio de lixo

Filed under: Residuos

Esta decisión da consellería ameaza con saturar os complexos de Lousame e Nostián

ADEGA (Asociación pola Defensa Ecolóxica de Galiza) e a CIG (Confederación Intersindical Galega) denuncian que, debido a problemas de negociación do convenio colectivo de SOGAMA, estanse producindo desvíos de lixo procedentes do contedor amarelo (envases e residuos de envases) que poden provocar graves problemas medioambientais..

(more…)

16/10/ 2006

Ceibar visóns americanos é un atentado contra a nosa fauna

Filed under: Flora e Fauna

ADEGA quere expresar o seu rexeitamento fronte á recente solta de visóns americanos, que nada ten que ver coa conciencia ecoloxista.

Estas accións, presuntamente realizadas por grupos de "liberación animal", aliás de facer un fraco favor aos animais que se pretende ceibar – morrerán o 98% -, poden afectar gravemente á nosa fauna autóctona e de paso, deteriorar a imaxe do ecoloxismo. Este non é o xeito de loitar contra a explotación industrial dos animais por parte da peletería de luxo. ADEGA aposta por que a educación ambiental e a concienciación social acaben por reducir a demanda destes infames produtos.

(more…)

11/10/ 2006

ADEGA demanda medidas para a recuperación dos caladoiros galegos antes de inzar a costa de piscifactorías

Filed under: Litoral, Caza e Pesca

Ecoloxistas, mariñeiros e armadores denuncian práticas pesqueiras insustentábeis

 

 
A pesca baixura galega comeza a acusar as consecuencias dunha falta de control e planificación, que ameaza con deteriorar irreversíbelmente as poboacións e que xa afecta á rendibilidade das capturas. Nos últimos días, ADEGA ten recibido comunicacións de mariñeiros e armadores para denunciar prácticas pesqueiras irresponsábeis e ilegais.

(more…)

06/10/ 2006

A ampliación do paseo fluvial do río armenteira empezouse a facer antes da finalización do proceso de autorización de obra.

Filed under: Augas e Ríos, Xestión Ambiental

O día 13 de setembro de 2006 publicouse no BOP de Pontevedra a solicitude por parte do Concello de Ribadumia a Augas de Galicia para a autorización da continuación do paseo fluvial no río Armenteira, na parroquia de Barrantes, concello de Ribadumia, quedando aberto un período de 20 días para exposición pública e presentación de reclamacións.

(more…)

05/10/ 2006

Os lumes, as fortes chuvias e unha xestión insostíbel do dominio público hidráulico, causas das enchentas

Filed under: Augas e Ríos, Montes e incendios

O modelo mediterráneo de ocupación intensiva do territorio, traslada a Galiza as graves consecuencias das enchentes

 

As recentes inundacións sufridas nalgunhas vilas da Costa da Morte e noutros concellos costeiros galegos, produxo imaxes máis propias da zona mediterránea e do levante español, acostumados ás enchentes periódicas por trombas de auga.

(more…)

04/10/ 2006

Nota de prensa sobre o actual estado do Parque Nacional das Illas Atlánticas

Filed under: Flora e Fauna, Espazos Naturais

A asociación ecoloxista Verdegaia denuncia a actual situación do Parque Nacional das Illas Atlánticas por existiren graves erros e deficiencias na xestión deste valioso espazo natural. Verdegaia denuncia o atraso de máis de tres anos na redacción do Plan Rector de Uso e Xestión (P.R.U.X.) do Parque Nacional das Illas Atlánticas que, por lei, debería estar rematado o dous de xullo de 2003, é dicir, un ano despois da Declaración Oficial do Parque.

(more…)






















Get free blog up and running in minutes with Blogsome | Theme designs available here