A Consellería colaborará coa CEMMA na asistencia aos 200 exemplares anuais de cetáceos, focas e tartarugas que varan en Galicia
Esta actuación coincide coa firma dun convenio entre Medio Ambiente e a Coordinadora para o Estudo dos Mamíferos Mariños (CEMMA) para a asistencia dos preto de 200 animais que cada ano varan no litoral de Galicia, como asegurou o presidente desta asociación, Alfredo López.
As especies máis frecuentes son os cetáceos e, en especial os golfiños e arroaces, así como focas, tartarugas e grandes quenllas – tiburón alargado de ata tres metros que vive en altamar e preto da costa. Moitas delas, pese a non ser autóctonas, chegan ata o litoral galego como consecuencia do seu proceso migratorio, como sinalou López, quen engadiu que Galicia, é a rexión do sur de Europa que máis animais recolle.
O departamento de Vázquez aportará 141.000 euros a CEMMA para que desenvolva este labor, que como apuntou López, veñen realizando desde 1990 en colaboración co Instituto Galego de Estudos Mariños de Vigo e o Acuario de O Grove. O éxito na recuperación dos animais, que na súa maioría aparecen vivos nas costas galegas, alcanza unha porcentaxe do 70 por cento.
O apoio da Consellería de Medio Ambiente e, sobre todo, a construción do centro de recuperación da fauna mariña en Baiona contribuirá a "suplir unha carencia de instalacións propias", segundo afirmou o presidente de CEMMA
