Galicia afástase da sustentabilidade, segundo o último informe do Observatorio da Sustentabilidade en España
Verdegaia propón dez eixos de acción para a modernización ecolóxica de Galicia
O segundo informe anual elaborado polo Observatorio da Sustentabilidade en España (OSE), “Sostenibilidad en España 2006”, que inclúe información baseada en indicadores e desagregada por comunidades autónomas, ofrece o retrato dunha Galicia cada vez máis insustentable desde o punto de vista ecolóxico, mais alá mesmo do que poden indicar certas catástrofes como as sufridas no ano pasado. A nosa terra usa recursos naturais en exceso e con baixa eficiencia, fai unha contribución relativa moi importante ao cambio climático e continúa a degradar o territorio e a perder biodiversidade. A asociación ecoloxista Verdegaia propón dez eixos de acción para a modernización ecolóxica de Galicia e demanda da Xunta que non atrase máis a discusión pública dunha Estratexia de Desenvolvemento Sustentable.
