ADEGA cria unha rede de seguemento e custodia dos espazos protexidos galegos
O OBXECTIVO SERÁ EVITAR QUE OS LICS DA REDE NATURA SUFRAN IMPACTOS AMBIENTAIS
A Asociación pola Defensa Ecolóxica de Galiza (ADEGA) ven de dar o primeiro paso para a criazón dunha rede cidadá de vixianza real e efectiva dos espazos protexidos galegos, nomeadamente da Rede Natura. Este sábado día 20 membros de ADEGA e colaboradores realizaron unha xuntanza en Compostela para coordinar esta rede cidadá para a custodia dos LICs e ZEPAs. Os asistentes procedían de todos os recunchos de Galiza onde hai un espazo incluído na Rede Natura.