Este vinteiro xoves día 8, a partir das 11:30 da mañán, voluntarios/as de ADEGA, comuneiros/as de Santa Cruz de Lesón e persoal da empresa IMC Cosmetics-Fixonia, iniciarán as actividades de prantación forestal para a recuperación dos montes queimados na Península do Barbanza, concello de A Pobra do Caramiñal. A cita é a esta hora no cumio do monte Curotiña, dende onde partiremos cara a zona de prantación.

Esta actividade forma parte dun proxecto financiado pola empresa IMC Cosmetics-Fixonia, no marco da campaña conxunta con ADEGA “Prantao”. A empresa colaboradora ten recuperado dende 1992, cerca de 400 hectáreas con máis de 42.000 árboles en toda a península.

Pola súa banda, ADEGA ven desenvolvendo dende o ano 2003 labores orientadas cara unha xestión sustentábel dos montes da Península do Barbanza en colaboración cos diversos sectores (comunidades, sociedades de caza, veciños/as e concellos), con intereses no monte.

Tratamos de ofrecer alternativas ao actual modelo de explotación do monte baseado case exclusivamente no monocultivo de pirófitas (eucalipto e piñeiro), un dos factores desencadenantes do problema dos lumes, e que permitan conxugar a medio prazo os intereses económicos coa conservación dos valiosos ecosistemas forestais.

Os esforzos de ADEGA neste senso perseguiron dende o primeiro momento integrar a todos os sectores implicados na xestión do monte como xeito de garantir a viabilidadee a continuidade dos proxectos así como abrir a posibikidade para a participación de empresas que como IMC Cosmetics-Fixonia teñen amosado un notábel compromiso ambiental. Esta empresa foi a primeira que no estado suprimíu os CFCs como propelente nos aerosois.

Asemade, mañán mércores ás 12 da mañán terá lugar a presentación do proxecto no Clube internacional de Prensa de Santiago.

Neste acto, intervirán: Fins Eirexas, secretario ejecutivo de ADEGA (Asociación para a Defensa Ecolóxica de Galiza) e Josep María Martínez, director xeral de IMC – Fixonia.