Un verquido de aceite cobre máis de dúas hectáreas das Gándaras de Budiño
As Gándaras de Budiño, no municipio do Porriño, víronse afectadas o pasado martes por un verquido de aceite procedente do polígono industrial anexo ao bosque asolagado. A asociación ecoloxista Verdegaia denunciou a presenza dunha grande mancha que cubría totalmente unha superficie de máis de dúas hectáreas. Segundo esta, "estamos ante un grave delito ecolóxico, con risco para a saúde pública pola probábel introdución de substancias canceríxenas na cadea trófica". A Consellaría de Medio Ambiente xa tomou mostras do verquido para a súa análise. Máis en vieiros
