Os biocombustibles, bioetanol e biodiesel, teñen cada vez unha maior incidencia en Galiza e no mundo. A súa extensión nos últimos anos e moi destacable, de xeito que baixo unha pátina de “mellora ambiental” podemos observar que a súa implantación masiva agacha numerosos problemas ambientais.

Neste informe ADEGA trata de poñer enriba da mesa pros e contras tratando de establecer algunhas conclusións claras. A análise detallada do problemanos revela a súa complicación. Introducción de plantas transxénicas, deforestación, aumento da fronteira agrícola… son provocados polos biocombustibles, pero ao mesmo tempo tamén: fonte de enerxía renovable, reducción da dependencia enerxética, beneficio económico e social… A prevalencia dos efectos positivos e negativos depende da súa aplicación en gran medida. Sen embargo se os cidadáns e os governos non son conscientes dos seus problemas ambientais os promotores económicos dos proxectos só tenden a considerar o beneficio económico das súas empresas e nesta tendencia constatamos gravísimos problemas medioambientais ocasionados polos biocombustibles.