Este mércores 14 de marzo ás 20:00 h, no local nacional de ADEGA (Travesa dos Basquiños 9, baixo, Compostela) terá lugar a presentación do libro "O Tempo dos Ríos", coordenado por Francisco Javier Martinez Gil e Manuel Soto Castiñeira. Manolo Soto é profesor de Enxeñería Química da U. da Coruña e membro da Directiva de ADEGA da que foi presidente durante os anos 90. Martínez Gil, Catedrático de Hidroxeoloxía da U. de Zaragoza, está considerado como o pai da expresión "Nova Cultura da Auga" e autor do seu contido doutrinal.

O libro inclúe artigos de máis dunha vintena de expertos/as pertencentes tanto ao mundo científico (seis universidades de Galiza, Estado español e Portugal e varios centros profesionais) como ao movemento ecoloxista e aos colectivos cidadáns afectados pola políticas hidrolóxicas dos últimos anos. Inclúe un prólogo do galego Javier Castroviejo, quen foi director da Estación Biolóxica de Doñana e presidente do Comité Español do Programa Home e Biosfera. O libro estrutúrase en catro partes, que tratan os seguintes ámetos: O conflito social, ambiental e cultural da auga hoxe, A calidade das augas subterráneas, fluviais e costeiras de Galiza, A planificación hidrolóxica na Galiza, e A problemática ambiental e social en diversos ríos e a sobreexplotación hidroeléctrica.

PROGRAMA DE PRESENTACIÓNS

SANTIAGO DE COMPOSTELA Mércores 14 de marzo de 2007

Organiza: ADEGA

11:00 h: Rolda de prensa, no Clube Internacional de Prensa

Participan: Javier Martínez Gil e Manuel Soto Castiñeira, Coordinadores e co-autores do libro

20:00 h, no local nacional de ADEGA e o Proxecto Ríos Charla-coloquio sobre “O TEMPO DOS RÍOS” e o desenvolvemento da Lei 5/2006 para a protección, a conservación e a mellora dos ríos galegos.

Participan: Javier Martínez Gil, Coordinador e co-autor do libro

Manuel Soto Castiñeira, Coordinador e co-autor do libro

Xan Louzao, autor do libro e membro da Comisión Promotora da Proposición de Lei de Iniciativa Lexislativa Popular para a protección, a conservación e a mellora dos ríos galegos

Un representante da Consellaría de Medio Ambiente (convidado, por confirmar)

Presenta: Virxinia Rodríguez, coordenadora do Proxecto Ríos e Vicepresidenta de ADEGA.

CALDAS DE REIS Mércores 14 de marzo de 2007

16:00 a 18 h: Visita ao encoro do Umia e acto público en Caldas de Reis (rolda de prensa e conversa con membros da Coordenadora Anti-encoro)

Participan:

Javier Martínez Gil, Coordinador e co-autor do libro

Manuel Soto Castiñeira, Coordinador e co-autor do libro

Paloma Fernández, autora do libro Organiza: Coordinadora Anti-encoro de Caldas, Cuntis e Moraña

A CORUÑA Xoves 15 de marzo 2007

Organiza: Universidade da Coruña e CEIDA

11-12 h: Rolda de prensa na UDC (A Coruña) Visita ao Campus Universitario en Elviña-A Zapateira

19:00 h: Presentación de “O TEMPO DOS RÍOS” no CEIDA (Oleiros) Javier Martínez Gil e Manuel Soto Castiñeira, Coordenadores e co-autores do libro

19:30 h: CONFERENCIA no CEIDA (Oleiros) El sistema educativo y la Nueva Cultura del Agua Javier Martínez Gil, Catedrático de Hidroxeoloxía na universidade de Zaragoza foi membro fundador e primeiro vicepresidente da Fundación Nueva Cultura del Agua