O próximo 22 de abril celebrarase o Día da Terra e con este motivo, as 5 principais organizacións ecoloxistas de Galiza ADEGA, Amigos da Terra, FEG, SGHN e Verdegaia propoñen que a meirande número de persoas leven este día un lazo verde co propósito de sensibilizar a todas e todos as cidadás e cidadáns que a problemática do cambio climático está a ser producida maioritariamente pola actividade humana.

(more…)

Os residuos de poda e desbroce, que se ven mesturados con todo tipo de plásticos, caixas, chatarras, pezas de tubería, etc., despóis de rematada a limpeza por brigadas contratadas pola Consellería de Medio Ambiente e Desenvolvemento Sostible, permanecen depositados en varias pillas á beira do río Bouzós, dentro dos 5 metros de servidume, nunha zona de difícil acceso entre cultivos, muíños e bosque de ribeira que percorre o lugar de Reboredo na parroquia canguesa de Coiro.

“Irregularidades” no Estudo de Impacto Ambiental poñen o proxecto na picota.
 

Operarios e máquinas da empresa Braña SCL, contratada pola Consellería de Medio Ambiente e supostamente autorizadas polo Ente competente na materia, Augas de Galicia, tamén dependente da C. de Medio Ambiente, no que en principio era unha limpeza  tralas últimas riadas provocaron ó final un verdadeiro atentado ecolóxico no entorno do río da Fraga, no Concello de Moaña, danando irreversiblemente o leito e as marxes, a biodiversidade, o patrimonio etnográfico e inclusive a súa morfoloxía.

A fiscalía ven de solicitar 6 anos de prisión para os directivos de EXLABESA, empresa denunciada por ADEGA en 2004 por vertidos continuados de metais pesados ao río Sar. ADEGA saúda esta iniciativa, que supón un novo chanzo na loita contra a contaminación dos nosos ríos. Os atentados continuados contra o ambiente e a saúde pública non poden quedar impunes, e os responsábeis deberán facer fronte ás responsabilidades civís e penais que se deriven da súa conduta insolidaria. Esta caso debería servir de exemplo e disuasión para aquelas empresas que non cumpren os seus deberes ambientais.

Campaña de devolución ao monte dos 67 raposos, matados na IV copa nacional da caza do raposo celebrado no Carballiño en febreiro deste ano.

En colaboración con 12 persoas maiores da Residencia Nosa Sra. das Dores de Lalín, Voluntarios do Deza e Sobreira.

O mércores 11 presentarase o Proxecto Ríos as 18:00 horas no Salón de Actos do Concello. A finalidade desta presentación é dar a coñecer o Proxecto Ríos nos núcleos sostibles nos que está o concello do Barco de Valdeorras. Na charla explicaranse a evolución do Proxecto Ríos, os seus obxectivos, grupos participantes, así como os pasos a seguir para poder participar como voluntario/a no proxecto,

O xoves 12 realizarase como continuación desta actividade, unha saída formativa co centro de ensino CEIP Julio Barriadán. A inspección realizarase no río Sil con dous cursos de 5º de primaria.

As saídas formativas consisten na realización de roteiros polo río escollido desenvolvendo e explicando a o grupo de participantes do Proxecto Ríos a metodoloxía e partes do programa. Na saída explicaranse de maneira didáctica os pasos a seguir para que o grupo de voluntarios poda logo desenvolver o programa autonomamente.

A asociación ecoloxista galega Verdegaia e a confederación ecoloxista estatal Ecologistas en Acción promoven en Galicia a exposición itinerante “Freemos o cambio climático”. Esta exposición explica que é o cambio climático, as súas causas, os seus efectos a nivel mundial e na Península Ibérica e as súas solucións. A exposición, que consta de 14 paneis, ponse a disposición de asociacións, centros de ensino e institucións de toda Galicia.

A pretensión de “Caixa Galicia” de mercar a illa de Sálvora, pon en alerta á “Asociación Pola Defensa da Ría” de Pontevedra, que entende que esta operación vai contra o interese xeral da cidadanía galega e do patrimonio medioambiental galego.

Ante a profusión de noticias contradictorias aparecidas recentemente nos medios a respeito da desaparición das abellas en Galiza e noutras partes do planeta, ADEGA e AGA (Asociación Galega de Apicultura) témolo claro: os pesticidas sistémicos neurotóxicos son os principais responsábeis, como o demostran os estudos realizados en Franza xa dende 1995. De continuar co seu uso, estamos as portas dunha crise ambiental de incalculábeis consecuencias para a vida no planeta. Xa o dixo Albert Einstein: “Sen abellas non habería alimentación para o home, as abellas son a base da vida na terra”.

A POLÍTICA FORESTAL E DE RESÍDUOS, FORON OS TEMAS TRATADOS POLAS MESAS DE TRABALLO.

Nesta fin de semana, A Federación Ecoloxista Galega celebrou a súa Asemblea anual, nesta ocasión celebrada en Neda e organizada pola Asociación Neboa. Ademais da presentación e aprobación dos informes anuais e decisións de orde interno, analizouse a situacións actual do Medio Ambiente en Galiza, e concretamente a política forestal e de residuos, debatidas en sendas mesas de traballos. Pasamos a informar das conclusións da mesa de política forestal.

Luita Verde reproba a subida de 10 céntimos das tarifas do servicio de transporte marítimo na ría de Vigo por parte da empresa Mar de Ons, pero tamén culpabiliza á Consellería de Política Territorial, Obras Públicas e Transporte por autorizala, que tamén é extensible ós concellos de Moaña e Cangas pola súa torpeza e feble  implicación .

As Gándaras de Budiño e Ribeiras do Louro é unha das áreas protexidas máis ameazadas da Galiza. A súa inclusión na Rede Natura a finais dos anos noventa non conseguiu deter o proceso de degradación que comezou hai máis de corenta anos. Continúan impunemente os vertidos industriais, os aterros, a destrución de hábitats de interese europeo, as talas ilegais, os movementos de terra en Solos Protexidos, a eliminación de especies de flora e fauna, a proliferación de vertedoiros de lixo, a introdución de especies alóctonas, etc.

Coto de Frade, ven de presentar a súa posición ante o anuncio da instalación do Polígono en Carballeda de Avia. Dita postura, foi presentada coma proposta de resolución na Asemblea da Federación Ecoloxista Galega, que por unanimidade, foi aprobada, polo que a FEG e as súas asociacións integrantes as asumen coma propias.

(more…)