24/05/ 2007

Denuncia a NORFOR

Filed under: Augas e Ríos, Montes e incendios

A ASEMBLEA DO SUÍDO E A ASOCIACIÓN POLA DEFENSA DA RÍA (APDR) VEÑEN DE PRESENTAR UNHA DENUNCIA CONTRA A EMPRESA NORFOR POR INCUMPRIMENTO DO DECRETO 81/1989 NUNHA PARCELA DA COMUNIDADE DE MONTES DE PIÑEIRO, NO CONCELLO DE COVELO
(more…)

700.000 € por cada posto de traballo: así calqueira fai negocio!

Filed under: Litoral

PISCIFATORÍA DE MIRA (PORTUGAL): AS CONTAS CLARAS


A macroacuicultura industrial é un negocio redondo para as grandes transnacionais do peixe como PESCANOVA ou STOLT. Aos baixísimos custos laborais derivados dunha cativa criazón de postos de traballo (a maioría en precario) hai que engadir as inxentes subvencións públicas para esta actividade.
(more…)

23/05/ 2007

Para acometer unha minicentral en EN Beariz preséntase un estudo de efectos ambientais do ano 1987

Filed under: Augas e Ríos

As minicentrais, un goteo que non cesa

  No interior da provincia de Ourense, en Beariz, estase proxectando unha minicentral promovida por Hidroeléctrica de Cardelle S.L. Esta minicentral afectará a tres ríos deste concello e presenta diversas irregularidades coñecidas por ADEGA.
(more…)

22/05/ 2007

Posicionamento da FEG no día internacional da biodiversidade

Filed under: Flora e Fauna, Espazos Naturais

Agardando un cambio de rumbo nas políticas de conservación da biodiversidade

A Asemblea Xeral da ONU declarou o 22 de maio como Día Internacional da Diversidade Biolóxica. Nesta data sinalada, a Federación Ecoloxista Galega segue agardando da administración autonómica un cambio nas políticas de conservación da nosa riqueza biolóxica que garantan a súa supervivencia.
(more…)

18/05/ 2007

ADEGA alerta do paseo fluvial no río Barcala en Negreira

Filed under: Augas e Ríos, Xestión Ambiental

A construcción de muros de pedra na ribeira é unha opción despilfarradora e nociva para o medio ambiente.

            Nestes tempos electorais rexístrase un aceleramento e un aumento das obras en construcción en moitos concellos. Outra cousa é que esas obras respondan a uns mínimos criterios ambientais.
(more…)

17/05/ 2007

ADEGA alerta contra a contaminación electromagnética

Filed under: Denuncia, Convocatoria, Xestión Ambiental

DÍA MUNDIAL DAS TELECOMUNICACIÓNS . Este día as principais organizacións ecoloxistas do estado, así como numerosas organizacións sociais e plataformas, queremos chamar a atención sobre o aumento da contaminación electromagnética. Demandamos un cambio da normativa estatal e autonómica con criterios de prevención e precaución, así como máis financiamento público para a investigación independiente sobre os efeitos para no ambiente e na saúde destas emisións.
(more…)

16/05/ 2007

O PXOM de Marín, especulación industrial e residencial

Filed under: Xestión Ambiental, Litoral

O PXOM de Marín, aprobado inicialmente por maioría da corporación municipal, composta polo goberno de coalición PSOE-Marinenses Independentes e PP e BNG na oposición, prevé para os próximos 15 anos unha capacidade máxima de 36.234 vivendas que triplica a capacidade residencial actual do concello, o que multiplicando por 3´5 habitantes de media por vivenda nos da unha capacidade máxima aproximada de 126.819 habitantes no futuro, 4 veces máis ca poboación actual, cando dende o ano 1981 con 26.103 habitantes residentes censados se pasou ós 26.013 de 2005, ou sexa en 15 anos, Marín só aumentou a súa poboación residente en 2.295 habitantes.
(more…)

15/05/ 2007

A “APDR” apoia a loita contra REGANOSA en Ferrolterra.

Filed under: Denuncia, Xestión Ambiental, Litoral

A “Asociación pola Defensa da Ría” de Pontevedra (APDR) quere amosar unha volta máis o seu rexeitamento á instalación da pranta de gas de REGANOSA na Ría do Ferrol e o seu apoio solidario ao “Comité Cidadán de Emerxencia” (CCE) e ás xentes do mar que loitaron contra da entrada ilegal do gaseiro “Galicia Spìrit” na Ría.
(more…)

ADEGA denuncia unha nova agresión ao Barbaña

Filed under: Augas e Ríos

Cada certo tempo o río Barbaña vén sufrindo impactos derivados de actuacións agresivas ao ecosistema fluvial. Estes días todos os cidadáns que cruzamos as distintas pontes que atravesan o río no percorrido urbano e os que pasean polas súas ribeiras podemos comprobar como se está procedendo ao desbroce da vexetación de ribeira.
(more…)

11/05/ 2007

Verdegaia presenta propostas para facer municipios sustentables

Filed under: Xestión Ambiental

Os concellos, as administracións con menor sensibilidade ambiental, están a contribuír á que Galicia sexa cada vez máis insustentable


A celebración das eleccións municipais do próximo 27 de maio é unha boa oportunidade para que a cidadanía e os partidos políticos reflexionemos sobre a situación ambiental e a sustentabilidade e sobre a súa relación coas políticas municipais. Para contribuír ao debate, a asociación ecoloxista Verdegaia presenta un conxunto de propostas para mellorar a nosa calidade de vida desde os Concellos de forma sustentable. En xeral, as administracións locais galegas teñen moi pouca sensibilidade ambiental e están a contribuír moito para que Galicia avance nun sentido contrario ao desenvolvemento sustentable.
(more…)

Hidroeléctrica del Río Grande S.L.: Beneficios para uns poucos

Filed under: Augas e Ríos, Enerxía

A TRAMA DAS ENERXIAS RENOVÁVEIS (I)

 O alcalde de Chandrexa de Queixa, Francisco Rodríguez Rodríguez preside a empresa Hidroeléctrica del Rio Grande S.L. que ten por obxecto a construcción dunha minicentral dentro da Rede Natura e máis do futuro Parque Natural do Macizo Central.

(more…)

09/05/ 2007

Polo futuro do noso mar: REGANOSA fóra da ría

Filed under: Denuncia, Xestión Ambiental, Litoral

Ferroltera arrastra un déficit histórico nas infraestruturas. Onte foi o tren, hoxe as EDAR, entre outras. Pola contra, a comarca sufríu a perda de miles de postos de traballo ao mesmo tempo que a ría ficaba convertida nunha cañeira. O recente peche de grande parte da ría ao marisqueo é o reflexo da desfeita ambiental consecuencia de políticas alleas ao medio e á sociedade. Agora coa entrada do primeiro metaneiro, irónicamente chamado Galicia Spirit, consúmase un novo atentado contra o noso mar e o futuro da ría de Ferrol.
(more…)

07/05/ 2007

Reportaxen fotográfica do Bloqueo do Galicia Spirit

Filed under: Denuncia, Xestión Ambiental, Litoral

Na bitácora da Plataforma ártabra 21 podedes atopar un bo informe fotográfico do que foi a loita das xentes da bisbarra de Ferrol, á entrada do barco Galicia Spirit, cargado de gas licuado para a planta de regasid¡ficación de REGANOSA.

06/05/ 2007

Manifestación Galiza Non se Vende: Terra Viva e Vida Digna para tod@s

Filed under: Denuncia, Convocatoria, Xestión Ambiental

6 de maio ás 12:00. Santiago de Compostela

Saída dende a Alameda

A nosa vida non se entende sen o territorio: sobre el temos a nosa vivenda, por el nos desprazamos, del tiramos alimento e enerxía, nel deitamos os nosos residuos, traballamos, pasamos o noso tempo de lecer… e o facemos desde hai séculos, nel está a nosa historia. O territorio que habitamos conta con paisaxes fermosas ou singulares e alberga, ademais, muitas outras formas de vida, acubilla biodiversidade.
(more…)

04/05/ 2007

HOXE ELNOSA, MAÑÁN CELULOSAS !

Filed under: Denuncia, Convocatoria

Sen dúbida atopámonos nun dos mellores momentos da loita pola desaparición do complexo ENCE-ELNOSA da nosa Ría; dunha banda, as administracións implicadas no tema semellan ter apostado nesta dirección, por máis que non sempre o fagan coa decisión que todas e todos nós quixeramos, e doutra, xa ninguén cuestiona a necesidade de eliminar o complexo para recuperar a Ría. De feito, ningunha forza política que queira ter representación no Concello de Pontevedra é quen de propor a permanencia de CELULOSA e ELNOSA na súa actual ubicación. E isto non é así por casualidade; neste medre da concienciación da cidadanía ten moito que ver a loita que ano tras ano vimos desenvolvendo desde a APDR, unha mobilización que hoxe máis que nunca ten que se facer patente para impedir unha volta atrás que non é imposíbel.

Hoxe a presenza de ELNOSA en Lourizán ten os días contados; non ten conseguido a preceptiva “Autorización Ambiental Integrada” e –coa lei na man – ten que pór fin á súa actividade industrial en outubro deste ano. E máis pronto que tarde, sairá CELULOSA; e unha e outra terán que deixar Lourizán como estaba cando fixeron ocupación deses terreos. De aí o noso lema para esta nova MARCHA CONTRA CELULOSAS.

PORQUE PONTEVEDRA NON PODE HIPOTECAR O SEU FUTURO ATÉ O 2018…

PORQUE A MOBILIZACIÓN SEGUE A SER NECESARIA

SÁBADO 5 DE MAIO ÁS 19,00 HORAS

MARCHA CONTRA CELULOSAS

A Federación Ecoloxista Galega manifesta o apoio da manifestación en contra de ENCE

Filed under: Denuncia, Convocatoria

A Federación Ecoloxista Galega, mantendo unha postura constante dende a súa creación, e que non é outra que a fábrica de Celulosas, en Lourizán, debe de saír desta localización polos problemas ambientais que produce ao ecosistema mariño e litoral da zona, así como polos problemas e riscos de saúde que produce na poboación limítrofe.
(more…)

A ondada depredatoria, o feísmo e a violencia catastral

Filed under: Prensa

Leo en El Progreso de Lugo unha magnífica crónica de alcance mundial. Trata do urbanismo en Barreiros, na costa da Mariña, e infórmase dos preparativos dunha mobilización de veciños, comandada polo señor alcalde, contra as medidas de control urbanístico e protección do litoral que está a tomar o Goberno que preside Touriño. Mais o sorprendente e novidoso non é o anuncio dunha manifestación, senón a razón esgrimida e que mesmo podería servir de lema: "Nós tamén queremos ser multimillonarios".
 

Acción MONTAÑAS en REDE: PARTICIPA!

Filed under: Espazos Naturais

MONTAÑAS EN REDE. Seguro que máis dunha vez pensaches que as montañas precisan de axuda. Estacións de esquí, infraestruturas turísticas, urbanizacións, estradas e pistas, minas e canteiras, expolio cinexético e forestal, parques eólicos mal situados, industria hidroeléctrica… E quizais pensaches HAI QUE FACER ALGO. En ADEGA e Red Montañas pensamos coma ti. FAI OÍR A TÚA VOZ EN DEFENSA DAS MONTAÑAS! Actúa a fin de semana do 12 e 13 de maio para recordarlles aos nosos representantes políticos que as montañas son LUGARES ESPECIAIS E PRECISAN DUN TRATO ESPECIAL, porque da súa conservación depende o futuro da AUGA, de ECOSISTEMAS E PAISAXES AMEAZADAS, e de moitos outros bens naturais importantes para toda a sociedade. Baixa o Manifesto MONTAÑAS 2007 da páxina de ADEGA.
(more…)

03/05/ 2007

Máis degradación ambiental no Morrazo tralas labores de limpeza do río Barranco do Faro en Meira (Moaña)

Filed under: Augas e Ríos, Xestión Ambiental

Luita Verde salienta que á beira do río Barranco do Faro, no lugar de Bronlle, da parroquia moañesa de Meira pasado xa máis dun mes das labores da súa limpeza levadas a cabo pola empresa Braña SCL, contratada pola Consellería de Medio Ambiente tralas riadas do inverno pasado, están depositados residuos plásticos, chatarras, restos de electrodomésticos, pneumáticos, botellas de vidro, …. Estes residuos ós que dende aquela non se lle da solución, están perfectamente á vista despóis que nesas labores de limpeza se talaran árbores de ribeira e se utilizara unha maquina de pala para remover os fondos do río, e ó mesmo tempo, extralimitándose nas súas funcións, procederan á roturación do solo e ó ancheado de camiños das proximidades, afectando á Carballeira de Bronlle, espazo natural senlleiro, de gran valor socio-cultural e ecolóxico.
(more…)

02/05/ 2007

XXXII Asemblea de ADEGA: novos reptos do ecoloxismo galego

Filed under: Convocatoria

Os pasados días 28 e 29 de abril no Teatro García Barbón en Vigo, ADEGA celebrou a súa XXXII Asemblea Xeral. Fixemos repaso do noso traballo no 2006 e apontamos os reptos que nos quedan por abordar no futuro inmediato. O evento, que foi inaugurado pola presidenta Adela Figueroa, abriuse coa conferenza dos compañeiros da Plataforma en Defensa da Ría de Vigo, que fixeron un detallado relatorio da problemática ambiental da ría. A actividade central xirou arredor de catro mesas de traballo nas que se trataron algunhas das temáticas fundamentais do eido medioambiental galego: a Rede Natura, residuos e saúde ambiental, cambio climático e a proxección do ecoloxismo á sociedade.
(more…)

Axuda urxente para o Courel !

Filed under: Augas e Ríos, Xestión Ambiental, Espazos Naturais, Contaminación

veciñ@s do Courel; territorio da Galiza, cuns valores culturais, naturais, xeolóxicos, paisaxísticos, educativos e científicos, únicos en Europa, foi incluído na Rede Natura 2000, é Patrimonio de tod@s. Propiedade común son tamén as augas que todos estes montes recollen da néboa do Océano, e voltan Galiza e Portugal, ata o Mar por milleiros de regatos e ríos; atravesando terras de Asturias, León,
(more…)






















Get free blog up and running in minutes with Blogsome | Theme designs available here