A “APDR” apoia a loita contra REGANOSA en Ferrolterra.
Para a APDR a entrada do buque na Ría do Ferrol puso en perigo á poboación daquela zona e a actuación da administración do Estado, permitindo primeiro dun xeito absolutamente irregular a entrada do buque e ordeando logo a intervención da forza policial (policía autonómica antidisturbios e garda civil do mar) contra as xentes do mar que non facían máis que defender o seu medio de vida e o pan dos seus fillos, supón un grave precedente que non se debera repetir nunha sociedade que se considera democrática.
En efecto, a entrada do buque na Ría do ferrol é ilegal porque REGANOSA non ten rematado as súas obras nen ten acreditado o cumprimento das condicións de seguridade esixidas na autorización de construción; non cumpre o relativo á distancia aos núcleos de poboación máis próximos nen no que fai á saída de emerxencia dos buques gaseiros, condicións todas elas absolutamente necesarias para evitar o perigo sobre a poboación e que a administración tería que ter considerado antes de permitirlle a entrada ao “Galicia Spirit”.
Desde a APDR apoiamos a firme decisión do CCE e os mariscadores da Ría do Ferrol de facer fronte ao gaseiro impedíndolle a entrada na Ría, unha decisión que –lonxe de se poder considerar unha derrota- supón unha victoria da cidadanía fronte aos que defenden os intereses privados duns poucos sen ter en conta os direitos da maioría da poboación a un medio natural sen contaminación, a vivir da pesca, do marisqueo e do turismo e a ter unha saúde e calidade de vida digna; neste sentido, animámoslles a seguir na loita para que máis pronto que tarde a paralización da actividade da pranta de REGANOSA sexa un feito e que a Ría do Ferrol poida ver cumprido o desexo do seu saneamento e recuperación para a súa vocación natural, que non é outra que o da explotación racional dos recursos naturais.
Crein que o que loitou meu pai nos 70,nos faria mais unidos na loita.Pero vexo que a
xuventude cree que o camiño esta feito.Tiñan que estar orgullosos do que loitaron os seus pais,
unha loita que trascendeu mais lonxe do que poden imaxinar.A historia a escriben outros como lles conven,
pero nos imos facer a nosa historia por nosos fillos.
SUMAROS A ESTA LOITA CONTRA A PLANTA DE GAS LOITADE XA NON POR VOS,POR VOSOS FILLOS.
TODOS PODEMOS FACER A NOSA HISTORIA.
Comment by SUSO — 19/06/ 2007 @ 19:20