29/06/ 2007

O treito afectado pola mina do Courel estivo incluído dentro da Rede Natura 2000 cinco anos.

Filed under: Augas e Ríos, Espazos Naturais

 A FEG considera escandaloso que se xustifique a canteira no Courel por non estar dentro da Rede Natura 2000.


A maior parte do treito do Courel excluído da Rede Natura reúne os mesmos valores que o resto do espazo, e a súa exclusión responde a prácticas fraudulentas de concesións realizadas polo anterior goberno e da que agora os responsables da nova Xunta parece que queren ser cómplices. O motivo de que Galicia ocupe o penúltimo posto dentro do estado de superficie protexida en Rede Natura 2000 e froito precisamente destas prácticas, e a riqueza natural galega non está ben representada. Clama ao ceo que os soutos do Courel sexan destruídos impunemente en pleno século XXI amparándose na falta de protección oficial.
(more…)

28/06/ 2007

A Bandeira Azul non é garantía dun litoral ecolóxico

Filed under: Litoral

A bandeira azul tense convertido en sinónimo de praias en bo estado, mais non garante a calidade ambiental dun litoral. Os criterios polos que a FEE (unha fundación privada fortemente subvencionada polos concellos e a industria turística) concede a bandeira azul, atenden principalmente á calidade da auga e aos servizos da praia. No entanto, moitas praias con bandeira azul son exemplo de práticas insustentábeis: urbanismo agresivo, turismo descontrolado, destrucción de áreas dunares… que degradan o seu equilibrio ecolóxico. Porén, dende 1999 a CE deixou de financiar á FEE, xa que segundo o Parlamento Europeoa concesión de bandeiras azuis “convertiuse nunha actividade enganosa, ao utilizar un símbolo de supostacalidade sen a garantía dos organismos oficiais da UE”.
(more…)

27/06/ 2007

ADEGA reaxe contra o decretazo das canteiras

Filed under: Xestión Ambiental, Espazos Naturais

Diante da recente legalización da canteira da Campa polo Consello da Xunta, ADEGA expresa a súa vontade de iniciar as accións xudiciais e sociais oportunas para tentar reparar este lamentábel erro. Non é doado xustificar ter autorizado esta canteira, con sentenza xudicial de paralización, e non permitir outras que están a traballar en espazos protexidos sen autorización nen licenza municipal, pero con concesións e declaracións de impacto favorábeis. E aínda mantendo a autoridade legal, con que autoridade moral se pode perseguir unha edificación fóra de ordenación, cando se concede autorización urbanística á ilegalidade, á desobediencia e á chantaxe?.
(more…)

Alegacións á Mina de Andalucita

Filed under: Xestión Ambiental, Espazos Naturais

Estando a exposición pública o “Estudio de impacto ambiental e o plan de restauración do proxecto da concesión de explotación Sonsoles IV promovido por Picobello Andalucita” o grupo ecoloxista Guerrilleiros das Fragas ven de presentar as seguintes alegacións:
(more…)

Verdegaia critica o proxecto de actuación de Costas nas Brañas de Dodro

Filed under: Augas e Ríos, Litoral, Espazos Naturais

Deterioraría unha valiosa zona húmida que forma parte da Rede Natura 2000

Verdegaia critica o proxecto de actuación da  Dirección Xeral de Costas do Ministerio de Medio Ambiente para as Brañas de Dodro, por entender que deterioraría unha zona húmida de elevado interese natural, integrada na rede europea de espazos protexidos Natura 2000. Costas ignora o valor ecolóxico real das Brañas de Dodro e pretende promover actuacións que artificializarían o contorno. Verdegaia-Compostela solicitou á Dirección Xeral de Avaliación Ambiental do Ministerio de Medio Ambiente que someta o proxecto a un procedemento de avaliación ambiental e pediu á Dirección Xeral de Conservación da Natureza da Xunta que interveña.
 (more…)

Cos Pés na Terra nº 2

Filed under: Prensa

Vén de se publicar o segundo número da revista electrónica “Cos Pés na Terra”, unha revista galega para a información, a reflexión e o debate sobre a sustentabilidade. Desde a independencia e con rigor e espírito crítico, “Cos Pés na Terra” aborda asuntos de interese relacionados co medio ambiente e coa sustentabilidade. Acompañando a publicación do segundo número, creouse un blog que recollerá comentarios de membros do consello de redacción da revista.
(more…)

26/06/ 2007

Destrucción a toda Costa 2007

Filed under: Litoral

Acaba de publicarse el informe "DESTRUCCION A TODA COSTA 2007" elaborado por Greenpeace, donde aparecen , entre otros, los puntos negros de la Costa Gallega.

En sus páginas 29 y 30 del informe referente a Galicia, aparece el asunto de la planta de gas de Mugardos   y otros puntos negros de nuestro litoral. También aparece en mapas asociado y el informe completo de toda Galicia y de toda España.

A FEG rexeita a instalación de aeroxeradores na franxa de cantís da Costa Da Morte situados entre Touriñán e Muxía

Filed under: Litoral, Espazos Naturais, Eólicas

A construcción dos dous parques poden chocar coa oferta paisaxística do futuro Parador Nacional

A FEG considera fundamental para a preservación do litoral da Costa da Morte evitar continuar ocupando con aeroxeradores áreas inmediatas aos cantís  ou a costa, e pide que a Xunta de Galicia propoña unha banda de protección de alomenos 1500 metros de protección terra adentro para os parques de Muxía.
(more…)

Depuración industrial: outra asignatura pendente

Filed under: Augas e Ríos, Contaminación

O grave déficit no tratamento das augas residuais urbanas de moitos concellos, pon a Galiza á cola no cumprimento da Directiva de Augas no estado. Malia que esta situación está tratando ser revertida mediante un plano de choque contra os vertidos e a masiva construcción de depuradoras, o tratamento dos efluentes industriais, os seus impactos e custos, seguen a ser soportados maioritariamente pola cidadanía. Case todos os polígonos industriais carecen de EDAR, algúns mesmo de sumidoiros, e verten os seus residuos á depuradora pública ou directamente ao medio, criando non poucos problemas.
(more…)

A Fundación Luis Tilve concede un premio ao C.E.S.

Filed under: Convocatoria

O Colectivo Ecoloxista do Salnés quere manifestar públicamente a gratitude á Fundación Luis Tilve por ternos concedido o premio na categoría “Defensa do medio ambiente e dos bens comúns – 2007”. Dita fundación, ligada ao mundo sindical, ten como obxectivo principal a difusión e potenciación dos movementos asociativos e solidarios na sociedade galega, premiando anualmente a asociacións, empresas e particulares que destaquen polas súas accións solidarias para cos máis desfavorecidos na nosa sociedade e respectuosas co noso entorno natural. Así, outros anos a Fundación Luis Tilve premiou, entre outros, á empresa Sargadelos ou a Asociación Naturalista do Baixo Miño (ANABAM).
(more…)

ADEGA considera unha burla e unha chantaxe á sociedade a legalización da canteira “La Campa” de O Courel

Filed under: Xestión Ambiental, Espazos Naturais

O Consello da   Xunta na reunión do 21 de xuño, ven de outorgar, a proposta da Comisión Superior de Urbanismo, a autorización urbanística á canteira de A CAMPA, en Folgoso do Courel explotada pola empresa CUPIRE-PADESA.
(more…)

25/06/ 2007

A canteira terá un elevado impacto ambiental e cultural e deixa “mutilado” ao futuro Parque Natural do Courel.

Filed under: Espazos Naturais

A FEG en contra da autorización dunha macrocanteira no corazón do Courel aprobada onte polo Consello da Xunta.

A FEG amosa a súa grande decepción pola decisión adoitado onte polo Consello da Xunta de autorizar a explotación mineira de La Campa en Folgoso do Courel, un proxecto que foi fortemente rebatido por numerosos colectivos sociais e que finalmente non tivo eco nos novos responsables do goberno galego, e moi particularmente no tándem configurado pola Consellería de Industria e a de Medio Ambiente.
(more…)

Galicia é a comunidade autónoma española con maiores emisións de gases de efecto invernadoiro debidas aos incendios

Filed under: Montes e incendios

O DATO APARECE RECOLLIDO NO INFORME “INCENDIOS FORESTALES: ANÁLISIS Y PROPUESTAS”, DE ECOLOGISTAS EN ACCIÓN

Segundo un estudo  ao que fai referencia un informe sobre incendios que vén de divulgar a confederación ecoloxista estatal Ecologistas en Acción, Galicia emitiu máis dun millón de toneladas de carbono por incendios forestais no período 1981-2002, sendo a comunidade autónoma con maiores emisións de gases causantes do cambio climático debidas a incendios. Este feito é a consecuencia de que Galicia teña sido a comunidade con maiores volumes de madeira queimados durante o devandito período.
(more…)

23/06/ 2007

O CES afirma que a estrada do Vao pode sinalizarse adecuadamente evitando a contaminación lumínica

Filed under: Espazos Naturais, Contaminación

Pode definirse a contaminación lumínica como o escape da luz artificial cara a lugares onde se fai innecesaria como consecuencia dun alumado ineficiente e mal deseñado, o que provoca o prexuízo da calidade ambiental e da biodiversidade, malgasta enerxía eléctrica e obstrúe a visión do firmamento. A minimización desta contaminación non implica deixar as rúas ás escuras nin poñer en perigo a vida das persoas, senón un alumado axeitado a cada caso e que reduza ó máximo os efectos nocivos.
(more…)

As organizacións ecoloxistas rexeitan a política de comunicación de NORFOR

Filed under: Montes e incendios

Os grupos ecoloxistas non acudirán a unha  xornada sobre xestión forestal de plantacións que organiza a filial do Grupo ENCE

Organizacións ecoloxistas de ámbito estatal, asturiano, galego e local rexeitan a política de comunicación coa sociedade da empresa NORFOR (Grupo ENCE) e materializan ese rexeitamento na negativa a participaren no encontro organizado pola empresa no seu centro loxístico de Ortigueira para o próximo día 23 de xuño, ao que algunhas destas organizacións teñen sido convidadas.
(more…)

22/06/ 2007

Contaminación electromagnética:

Filed under: Contaminación

o lixo máis de moda

Este 24 de xuño é o Día Internacional contra a CONTAMINACIÓN ELECTROMAGNÉTICA. A electropolución é a exposición continua a campos electromagnéticos, principalmente liñas de alta tensión e subestacións eléctricas, así como antenas de telefonía móbil e sistemas Wifi-Wimax. Nesta data, organizacións de afectad@s e ecoloxistas queremos denunciar o medre insustentábel da electropolución pola proliferación descontrolada de infraestruturas eléctricas e redes de telecomunicación, que se está a convertir nun problema ambiental e de saúde. Porén, demandamos un cambio lexislativo profundo nas normativas que regulamentan este tipo de actividades.
(more…)

11/06/ 2007

Verdegaia organizou unha limpeza na Barreira de Orbenlle (O Porriño) o pasado domingo.

Filed under: Augas e Ríos, Residuos, Espazos Naturais

A Asociación ecoloxista Verdegaia vai organizou unha limpeza na Barreira de Orbenlle (O Porriño) que está incluida dentro do Espazo Natural da Rede Natura 2000 As Gándaras de Budiño o domingo 10 de xuño pola mañá.
(more…)

07/06/ 2007

Pídese un plan a curto prazo para eliminar estes impactos e inversións nestas zonas para economías máis sustentabels

Filed under: Espazos Naturais

ADEGA  ALEGRASE DO COMPROMISO DO PRESIDENTE DO GOVERNO GALEGO COA REDE NATURA

Con motivo da celebración do Dia Mundial do Medio Ambiente, o presidente do governo galego, – ao tempo que, dende o parque natural das Illas Atlánticas e LIC Ons-Grove,  presentaba aos medios de comunicación o Plan Director de Conservación da Rede Natura 2000 -, veu a reiterar o compromiso da Consellería de Meio Ambiente e de todo o governo Galego coa conservación dos valores ambientais destes espazos protexidos, abogando por facer compatible esta conservación co desenvolvemento económico “responsable e sustentable” e coa creación de emprego.
(more…)

06/06/ 2007

Novos verquidos en Redondela e Compostela

Filed under: Augas e Ríos, Contaminación

O máis grave en Redondela de carácter industrial.

5 de xuño, día do medio ambiente. ADEGA quere dar a coñecer novos verquidos na xeografía galega. O máis grave en Redondela que tinguiu de amarelo dende primeiras horas da mañá a auga do rio Alvedosa. Esta inusual cor indícanos a procedencia industrial do verquido. A procedencia podería estar situada no Polígono Industrial de Amoedo, feitos que foron investigados pola Policía Local de Redondela e máis por membros do SEPRONA. Sen embargo os membros do SEPRONA non destacaron precisamente pola súa celeridade xa que chegaron 4 horas despois do primeiro aviso do verquido e sen equipo necesario para a toma de mostras. Isto provocou o malestar dos veciños xa que aparentemente existiu falta de interese por resolver o problema. Quizais a falta de medios do SEPRONA está na causa das deficiencias detectadas para poder investigar a orixe do verquido, pero isto afecta aos cidadáns que descoñecen as substancias que contaminaron onte Redondela, e como puido afectar á Ría deVigo ou mesmo se pode ser un problema de saúde pública.
(more…)

D.E.P. Círculo Lítico da Mourela: 3000 AC-5 de xuño de 2007

Filed under: Xestión Ambiental, Transporte

día de loito para o Patrimonio Cultural de Galiza. Na mañá do Día Mundial do Medio Ambiente, a necrópole da Mourela foi arrasada por dúas escavadoras. Sen facer públicos os traballos arqueolóxicos sobre o Circulo Lítico, sen estudar outras alternativas ao trazado previsto, sen valorar a posibilidade de construir un túnel por baixo da necrópole como propuña ADEGA, e sen termos constancia de que a D. X. de Patrimonio dera o visto bo, a CPTOPV arrasou o monumento, enclave crucial do megalismo galego. Rematan así 5.000 anos de historia do Círculo Lítico da Mourela. ADEGA e a Plataforma pola Defensa do Patrimonio das Pontes esiximos responsabilidades por esta desfeita.
(more…)

05/06/ 2007

Esiximos a inmediata posta en liberdade de Bernardo Bastida

Filed under: Denuncia, Litoral

Diante da decisión do xulgado de Ferrol de confirmar a prisión incondicional sen fianza do patrón maior da  confraría de  mariscadores de Ferrol, a Asociación Pola  Defensa da Ría manifesta a súa máis profunda solidariedade con Bernardo Bastida e esixe a súa inmediata posta en liberdade.
(more…)

Reinvindicación do uso da “Bicicleta” no “Dia mundial do Medio Ambiente”

Filed under: Convocatoria, Transporte

O “Grupo de traballo pola bici do IES Xunqueira II”, o Colectivo “PEDALADAS” e a “Asociación Pola Defensa da Ría”, no “Día Mundial do Medio Ambiente” teñen tomado a decisión de reivindicar de forma conxunta a utilización da “bici” como medio de transporte na cidade de Pontevedra, unha vella reivindicación que mesmo ven avalada pola Dirección Xeral de Tráfico, que no número correspondente ao mes de maio da súa revista, chama a atención sobre a necesidade de recurrir á bicicleta para o transporte na cidade tanto polo seu interese na solución dos problemas de tráfico como polo seu papel na loita contra a contaminación ambiental urbana.
(more…)






















Get free blog up and running in minutes with Blogsome | Theme designs available here