3 minicentrais ameazan o río Loio bo Concello de Paradela
Estas minicentrais afectarán gravemente ao mexilón de río (Margaritifera margaritifera)
3 proxectos de minicentrais ameazan ao río Loio. Estes 3 proxectos presentados por 3 empresas distintas están nestes momentos en fase de tramitación. As competencias corresponden á Confederación Hidrográfica do Norte e polo tanto a aprobación ou rexeitamento da Declaración de Impacto Ambiental corresponde ao Ministerio de Medio Ambiente.
Estes proxectos afectan a un río que está proposto para ser incluido na próxima ampliación da Rede Natura o cal demostra que ten importantes valores ambientais.
Entre as numerosas especies protexidas afectadas (un total de 22 especies de animais protexidas por distintas directivas europeas) atopamos o escaso Mexilón de río autóctono (Margaritifera margaritifera).
O mexilón de río é unha especie en perigo de extición e endémica de Galiza que foi incluida pola Consellería de Medio Ambiente como unha das 25 especies que prioritarias a nível de conservación en virtude do Catálogo Galego de Especies Ameazadas.
ADEGA realizou suxerencias correspondentes a estas minicentrais neste mes de agosto. Estas suxerencias fanse no marco da consulta previa á exposición pública do proxecto. De tal xeito que en caso de que non resulten rexeitadas os veciños/as e afectados poderán realizar alegacións nos próximos meses cando saian a exposición pública.
Nestas suxerencias ADEGA resalta que por unha parte preténdese protexer unha especie que está en perigo de extinción e por outra preséntanse nada máis e nada menos que tres proxectos simultáneos para destruir o hábitat desta especie sen traer ningún beneficio para a poboación que alí vive.
Por estes motivos ADEGA solicita a Declaración Negativa de Impacto Ambiental e polo tanto a retirada dos proxectos.
