As Brañas de Xestoso, espazo integrado na Rede Natura 2000 de Galiza e que partillan os concellos de Silleda, A Estrada e Forcarei están sendo destruidas neste mesmo intre polas obras dun parque eólico.
O grupo parlamentario do PSOE presentou na cuarta feira unha proposición non de lei que aprobaron todos os partidos, para establecer políticas de loita contra as alteracións climáticas na propia administración Vieiros.
CANDO SE CONVERTIRÁN ESTAS BOAS INTENCIÓNS EN BOS FEITOS????
As declaracións do Presidente da Xunta no VI Congreso de Acuicultura en Vigo, louvando o Plano Acuícola polo "impacto cero" na Rede Natura e a criazón de "2000 postos de traballo", amosan un preocupante descoñecemento da realidade ambiental e social destas macroinstalacións. O Plano Acuícola está moi lonxe de atender a criterios de sustentabilidade ambiental, utilidade pública e interese económico para o país. Só atende aos intereses empresariais de corporacións transnacionais tan "galegas" como Stolt Sea Farm (que desfixo cabo Vilán e agora quere o resto) ou Pescanova (á que impedimos desfacer Touriñán e agora cementa a costa portuguesa), e as que a Xunta vai "premiar" con 390 milóns de € en subvencións públicas.
O Premio de Xornalismo NANO CAMBEIRO foi instituído polo Instituto de Estudos Miñoranos para lembrar ao xornalista e ao amigo. Cumprindo co establecido na convocatoria, faise pública a súa resolución ao cumprirse o sexto aniversario da irreparable perda do xornalista Nano Cambeiro.
Aproveitamos a ocasión para felicitar a todos os nosos simpatizantes, e pedir axuda para espallar a nova, xa que pouco cabe esperar da prensa "tradicional"
(more…)
Que o deterioro da biosfera aumenta a unha velocidade cada vez maior parece estar xa fora de toda dúbida. A globalización capitalista, precisa de inxentes cantidades de materias primas para o mantemento do nivel de vida do 10% da poboación mundial que posúe o 85% do capital (Wider, 2006), ignorando a situación dos 5400 millóns de persoas restantes As consecuencias: un desequilibrio social e ambiental, que paralelo ao crecemento exponencial do consumo e nivel de vida (que non necesariamente calidade de vida), dese 10% rico, comeza a amosar o rostro dun Dr. Jekill, que xa non precisa de Mr. Hyde para portarse mal.
(more…)
Mañá constitúese unha plataforma contraria a esa iniciativa da Consellería de Medio Ambiente. O alcalde de Xinzo, Isaac Vila, explica que hai "preocupación" en toda a comarca desde que se publicou o decreto que iniciou os trámites.- Haberá que ver quenes se suman á plataforma -.
(more…)
Igual que para coñecer o sistema sanitario o mellor é pasar por enfermo uns meses, entre médicos, ambulatorios e hospitais; para coñecer o sistema penal non hai mellor cousa que durmir unhas semanas nas mazmorras dalgunha dos cárceres do país, para coñecer o transporte urbano propoño sacar a bici do faiado logo dos paseos estivais e desprazarse ao traballo polo interior das vísceras do sistema urbano, para experimentar intensamente os fumes, berros, ruídos, insultos da variada fauna humana que cando se sobe a un coche saca o peor que leva dentro e converte a rúa nunha auténtica xungla.
(more…)
Fai algúns días, un artigo publicado nunha revista de conservación da natureza ocupábase dunha interesante cuestión. Nunha recente reunión da Sociedade Internacional de Bioloxía da Conservación, os científicos discutiron acerca da conveniencia ou non da súa implicación nas cuestións ambientais, máis aló da pura exposición dos datos. Unha enquisa revelou, ao final, que dous terzos dos asistentes estaban a favor de participar activamente neses temas. ¿Preguntáronse algunha vez que pasase en Galicia se nas últimas décadas os científicos e técnicos relacionados co medio ambiente adoptasen esa actitude? Pois fagamos ficción.
(more…)
Mañá sábado 22 de Setembro, a Asociación Pola Defensa dá Ría solicitará ao Concello de Pontevedra, vía rexistro, información detallada sobre as antenas base de telefonía móbil instaladas e en funcionamento na actualidade na nosa cidade que contan coa prescritíbel “Licencia Municipal”, necesaria para poder realizar a súa actividade.
Esta petición continua o estudo desenvolvido e presentado por esta asociación aos medios de comunicación en xuño deste ano cun mapa das 20 antenas base detectadas na cidade así como das zonas sensíbeis afectadas (colexios, lugares de recreo, centros de maiores, centros sanitarios, …). Todo iso enmárcase na preocupación polo aumento consecutivo dunha polución invisibel como a da electrocontaminación, base da campaña informativa que a APDR está e seguirá levando durante este e os vindeiros meses.
Malia á suspensión en 2005 da concesión de 32 aproveitamentos hidroeléctricos e á aprobación da ILP en Defensa dos Ríos no 2006, son aínda moitas as minicentrais que amezan a vida dos nosos ríos. As concesións feitas na era Fraga poden efeitivizarse en calquera momento, xa que abonda con meter unha pá no río nos dous anos seguintes á concesión para validar o "comezo" das obras, podendo logo demorarse sine die. Esta trécola permite que as empresas, moitas delas sen capacidade económica, teñan aferrollados numerosos treitos de ríos para especular cos aproveitamentos.
Entre as actividades previstas para esta campaña están a realización de saídas formativas, un curso de formación e un campamento de voluntariado ambiental no río Tea.
Dende o 1 de setembro que comezou a campaña de outono do Proxecto Ríos, e que se prolongará até o 15 de outubro participarán 215 grupos de voluntarios/as de todo o país.
(more…)
A bicicleta resultou o medio máis eficaz para desprazase pola cidade empregando a metade de tempo que o automóbil e unha terceira parte que o autobús
O vindeiro domingo 23 de setembro de 11:00 h. a 14:00 h. a Plataforma “A ría non se vende” organiza un acto lúdico-reivindicativo terá lugar na pista de patinaxe de Samil para solicitar a correcta conservación da Serra do Courel
(more…)
O próximo sábado 22 de setembro terá lugar ás 19:00 na Casa da Cultura de Arou unha sesión informativa sobre a problemática das piscifatorías.
O vindeiro sábado 22 de setembro, Día Europeo sen Coches, terá lugar a 1ª masa Crítica Galega. Sairá ás 12:30 da Alameda de Santiago de Compostela, realizando un percorrido polas rúas da cidade. Achegaranse ciclousuarios e ciclousuarias de toda Galicia. Posteriormente terán un xantar colectivo no Parque de Bonaval completándose o programa de actividades coa proxección do documental “Return of the Scorcher” ás 17:00 no centro social O Pichel na rúa Sta. Clara. Este documental describe os inicios do "movemento" da masa crítica en San Francisco. Ao remate da proxección desenvolverase unha mesa redonda coa participación de representantes de grupos de ciclousuarios/as participantes sobre a situación da bici en Galicia e o seu futuro.
A asociación ecoloxista Verdegaia alerta de que a pesar das denuncias realizadas a finais do mes de xuño, a empresa Transportes Marsou segue a obrar ilegalmente nunha parcela clasificada como Solo Rústico de Protección de Espazos Naturais (SRPEN) no PXOM porriñés.
ADEGA e o SLG (Sindicato Labrego Galego) propoñemos á administración unha mesa de negociación cos sindicatos agrarios e os ecoloxistas para analizar a problemática da Zona de Especial Protección de Aves (ZEPA) na Limia. Os obxectivos desta mesa de negociación deben ser coñecer polo miúdo as implicacións que esta ZEPA terá para a comarca da Limia e buscar a compatibilización da protección das aves cos intereses dos labregos e das labregas. Na foto, un sisón (Tetrax tetrax), ave da Limia en perigo de extinción.
O tráfego urbano é a principal causa de deterioración da calidade de vida nas nosas vilas e cidades. A contaminación atmosférica e acústica do tráfego degrada o ambiente con consecuencias negativas para a nosa saúde (doenzas respiratorias, estrés, perda de audición…). O coche ocupa a maior parte do espazo público, convertendo as rúas e prazas en lugares principalmente de paso, perigosos pola presenza ameazadora do automóbil e sen condicións para cumprir as súas funcións de encontro e de xogo, funcións ás que non debemos renunciar. Cómpre dar un xiro radical na forma de entender o transporte, aplicando criterios ecolóxicos e de sustentabilidade na súa xestión. Neste campo, a bicicleta ten demostrado a súa utilidade polo que é preciso recuperar o seu papel central na mobilidade das persoas.
ADEGA E VECIÑOS DE AROU, MEREXO E QUILMAS INTERVEÑEN NUNHAS XORNADAS SOBRE O RODABALLO EN CAMARIÑAS
O pasado venres 14 de setembro veciños de Arou, Merexo e Quilmas xunto con ecolxistas de ADEGA interviron nunhas xornadas sobre o rodaballo celebradas en Camariñas para expresar o seu rexeitamento sobre o Plano de Acuicultura que se atopa nestes momentos en tramitación, pendente de contestar ás numerosas alegacións presentadas.
Encol da protesta polo polígono de Carballeda de Avia,ADEGA quere manifestar o seguinte: As organizacións ecoloxistas (ADEGA, Amigos da Terra, Coto do Frade, FEG, e Verdegaia) arrincamos da administración o compromiso de que en Carballeda NON se van tratar os RSUs do sur, polo que non se pode falar de "macrovertedoiro". Esta e outras afirmacións do Manifesto do FORO CÍVICO non se axustan á realidade e préstanse á demagoxia política. Os esforzos por concordar un documento de mínimos que recollera as principais reivindicacións ecoloxistas e sociais, foron infrutuosos. ADEGA seguirá esixindo da Xunta un Plano Galego de Residuos baseado na reducción, na reciclaxe e na compostaxe descentralizada, pero tamén apelamos á responsabilidade da cidadanía para facelo viábel e arredarse do coñecido efeito NIMBY.
TRAGSA constrúe na Frouxeira (Valdoviño) un edificio en pleno Dominio Público Marítimo-Terrestre. En abril pasado, Costas xa derrubara outro edificio similar na mesma zona por invadir o DPMT, que agora substitúe por este. Ambas actuacións, promovidas pola administración son incompatíbeis coa Lei de Costas. Ante a Denuncia de ADEGA, o fiscal de urbanismo arquivou as dilixencias pola "construcción dun muro en Ferrol" xa que é "unha actuación desenvolta en solo urbano" !!. Como é que Costas e a xustiza parecen a ignorar a lei?
Perante a iniciativa de instalación en Carballeda de Avia dunha infraestructura de tratamento de Residuos denominada “Parque medioambiental”, os grupos ecoloxistas abaixo asinantes REXEITAMOS este proxecto por:
Verdegaia prosegue coa súa campaña de erradicación de herba do coitelo dos areais galegos no Parque Nacional das Illas Atlánticas de Galicia
A Xunta de Governo de Augas de Galiza que é o organismo responsábel da xestión da auga na cunca hidrográfica Galiza Costa non se reúne dende hai case 5 anos. A última reunión deste organismo foi en novembro do ano 2002. Nesta Xunta de Governo están representados os grupos ecoloxistas galegos entre outros representantes de entidades relaccionadas coa xestión e conservación da auga.
Os postos de traballo son un dos principais argumentos que expoñen as empresas de acuicultura industrial para defender os seus intereses. Nos seus proxectos e através da propaganda mediática, preséntanse pouco menos que como a panacea para as economías das vilas costeiras, ofertando impúdicamente centos de postos de traballo.
Diversas especies endémicas presentes no LIC Serra do Careón ven ameazada a súa supervivencia pola continuación das políticas de desenvolvemento dos cultivos forestais, a ausencia de instrumentos reguladores e a falta de organización entre Consellerías.
Verdegaia ven de presentar alegacións á construción deste Parque Eólico situado nos Concellos de Baiona, Gondomar, Oia e Tomiño. A súa construción significaría afeccións a espazos considerados hábitats prioritarios pola UE e un importante impacto faunístico, ademais de afectar a Cova da Moura, ás Mámoas do Arreiro e a distintos grupos de petroglifos.
A protección efectiva da Rede Natura está moi lonxe de ser unha realidade. Aos numerosos proxectos agresivos de iniciativa privada (piscifatorías, LICs litorais, parques eólicos, Brañas de Xestoso, canteiras (Courel e Xistral)… en espazos protexidos, hai que engadir algunhas actuacións promovidas organismos públicos que comprometen gravemente a viabilidade ambiental destes espazos. Casos como as desafortunadas intervencións de Costas en Valdoviño, Baldaio ou O Pindo, ou agora esta "autoestrada" no Monte Louro, amosan un preocupante descoñecemento do conceito xestión ambiental.
As xornadas pretenden servir de base ao ecoloxista activo e ao cidadán concienciado sobre a necesidade que temos de coñecer a diferente normativa que está á nosa disposición e que moitas veces descoñecemos. Que facer? Que ferramentas xurídicas utilizar? A que autoridades recurro? A cuestións como estas intentarase dar resposta dividindo en varias áreas competenciais as xornadas, abordando dende a normativa comunitaria á municipal, pasando polas competencias estatais e autonómicas, que se complementan con experiencias prácticas.
No marco do proceso de Avaliación Ambiental Estratéxica ao que está sendo sometido o Plan Director de Portos Deportivos, ADEGA (Asociación para a Defensa Ecolóxica de Galiza) pon de manifesto a falta de xustificación do previsto incremento de amarres ademais dunha flagrante carencia de datos ambientais que permitan unha avaliación ambiental seria e argumentada.
Entre as actividades previstas para esta campaña están a realización de saídas formativas, un curso de formación e un campamento de voluntariado ambiental no río Tea.
Nestas últimas semanas estanse a producir novas subas do prezo dos alimentos nomeadamente no caso dos cereais, o leite e os ovos. Esta mañá a Ministra de Agricultura en entrevista na TVG afirma que a producción de cereal destinada aos biocombustíbeis na Unión Europea é do 1,4 % do total e, portanto, non teñen grande influenza na suba do prezo dos alimentos. Outros factores como a escaseza das colleitas na Europa do Leste e máis en Australia xunto co aumento da demanda de cereais tamén influirían, segundo a Ministra Carmen Espinosa, nestas subas.
Adega-Ourense estivo presente na feira de Expolimia 2007 en Xinzo de Limia os días 31 de agosto, 1 e 2 de setembro. O numeroso público asistente mostrou moito interese en coñecer as razóns que levan a ADEGA a defender a implantación da declaración como ZEPA para a Limia.
Todas as persoas que pasaron polo stand de ADEGA coincidiron connosco na escaseza de información existente por parte da Consellaría de Medio Ambiente. O feito de pór un cartaz reivindicando a ZEPA supuxo para ADEGA que se convertise o noso stand no referente da feira, causando un grande impacto polo debate que abrimos.
Get free blog up and running in minutes with Blogsome | Theme designs available here