Xornada informativa sobre as piscifactorías en Arou
O próximo sábado 22 de setembro terá lugar ás 19:00 na Casa da Cultura de Arou unha sesión informativa sobre a problemática das piscifatorías.
A ocupación da costa de Arou por unha instalación de grandes dimensións carece das necesarias garantías medioambientais en canto a depuración das augas residuais. Neste senso cómpre lembrar que Arou carece de depuradora urbana, e a actual contaminación contaminación pode verse incrementada polos vertidos desta macropiscifactoría.
ADEGA convida a todas e todos os veciños de Arou que poden verse afectados por este proxecto a asistir a este acto e informarse sobre as consecuencias deste proxecto insustentábel.
