Medio ambiente, transporte e saude
Igual que para coñecer o sistema sanitario o mellor é pasar por enfermo uns meses, entre médicos, ambulatorios e hospitais; para coñecer o sistema penal non hai mellor cousa que durmir unhas semanas nas mazmorras dalgunha dos cárceres do país, para coñecer o transporte urbano propoño sacar a bici do faiado logo dos paseos estivais e desprazarse ao traballo polo interior das vísceras do sistema urbano, para experimentar intensamente os fumes, berros, ruídos, insultos da variada fauna humana que cando se sobe a un coche saca o peor que leva dentro e converte a rúa nunha auténtica xungla.
A situación é grave; a maior parte das cidades españolas de máis de 100.000 habitantes están absolutamente colapsadas e a maioría dos políticos e os seus "planificadores" non saben facer outra cousa que agudizar a espiral de retroalimentación positiva: máis coches, máis accesos, máis parkings, máis coches…Para este día 22 do Transporte Sostible debemos chamar a atención sobre a complexa rede de interaccións existentes entre o modelo de cidade, a mobilidade de persoas e mercancías, os estilos de vida, o cambio climático e a calidade de vida das persoas.
Publicado no País, por Manuel Antonio Fernández Domínguez o 22 de setembro.
