MARCHA NACIONAL POLA DEFENSA DO LITORAL CORRUBEDO, 4 DE NOVEMBRO DE 2007, 12 horas
O tirapuxa entre a Xunta e o Ministerio de Industria polos parques eólicos mariños está a desviar a atención sobre a cuestión de fondo: o desenvolvemento das renovábeis en Galiza está baseado no produtivismo e non na eficiencia. A Xunta segue coa teima de triplicar a producción eólica no 2011 e o Ministerio quere implantar a eólica mariña en todo o estado. En Galiza o desenvolvemento eólico tivo custos ambientais e sociais moi altos: privatizáronse os beneficios e socializáronse os impactos. Agora meter muíños na costa alén de innecesario, podería ter graves consecuencias sobre os nosos recursos mariños.
(more…)
Como consecuencia da entrada en vigor da Directiva 96/61/CE de prevención e control integrados da contaminación e a súa transposición ao ordenamento xurídico do estado español a través da Lei 16/2002, ELNOSA precisa a Autorización Ambiental Integrada (AAI) antes do 30 de outubro de 2007 para poder continuar coa súa actividade.
ADEGA presentará mañá sábado día 27 de outubro ás 12 h. na Subdelegación do Governo en Pontevedra unha alegación ao trazado do tramo do TAV Barro-O Carballiño (por Cerdedo) xunto con outros colectivos culturais e ecoloxistas.
Fronte ás declaracións irresponsábeis dalgúns políticos que confunden o clima co tempo, ou a mercantilización do fenómeno por quenes nada fixeron cando tiñan oportunidade, cada día son máis as evidencias de que o cambio climático xa está eiquí e está mudando as nosas vidas. En Galiza, as consecuencias do quecemento global apontan a importantes mudanzas a medio prazo: perda de fertilidade dos solos, diminución dos recursos hídricos, maior incidencia dos lumes, e mesmo impactos na saúde. O derradeiro informe que aponta unha diminución da produtividade biolóxica das rías, debería ser motivo máis que suficiente para encender todas as luces de alarma. Catastrofismo?. Non, teimuda realidade. Artigo DÍAZ-FIERROS
E van XVIII xornadas micolóxicas no condado, organizadas pola Asociación para Defensa da Natureza do Condado (ADENCO). Este ano conta coa novidade dos LUNS MICOLÓXICOS: . Como case todo o mundo acostuma a saír ao monte durante as fins de semana, os luns das Xeiras serán luns micolóxicos, é dicir, Adenco establecerá unha hora e lugar para que a xente que teña dúbidas asista a estes encontros para aclaralas. Serán os días 29 de Outubro e 5, 12 e 19 de Novembro, a partir das 20:00h na Casa da Triga de Ponteareas, na Praza Maior.
Os programas son:
(more…)
Con pé firme está a botar a andar a Masa Crítica de Ponteareas. Así, agora despareceron os logotipos e nace a Masa Crítica como tal, un colectivo que tentará traballar a prol da mellora do transporte colectivo na Comarca do Condado, defendendo o uso da bici como medio de transporte ideal para as pequenas e medias distancias.
A postura do goberno municipal, e máis concretamente do Alcalde Vicente Irisarri, en relación a poñer en dúbida a concesión da Casa do Coronel como sede do Museo da Natureza pon de manifesto o seu descoñecemento e minusvaloración hacia o traballo realizado pola SGHN. A importancia dos fondos do museo e da biblioteca creados, a pesar das múltiples dificultades, queda patente polo número de visitas ao longo de todo o ano e polo recoñecemento público por parte de diferentes entidades, administracións e cidadanía en xeral; este feito contrasta co desinterese amosado polo goberno municipal empeñado en negar para o Museo o inmoble máis axeitado para as actividades que na actualidade desenvolve a SGHN.
Pese ao prematura da nova, e a espera de máis detalles, xurde dos teletipos que o Ministerio de Medio Ambiente compra Sálvora e os seus illotes asociados.
Supón a xestión pública destas illas do Parque Nacional, sen basearse nos interese dos donos privados, privada ata o de agora e cunha oferta de Caixa Galicia na mesa.
Por todo iso, A FEG felicítase de tal feito e da iniciativa que contribuirá a unha maior conservación do Espazo, así coma a recuperación do espazo público MarIño-terrestre
Esta é a nota de prensa de Medio Ambiente
(more…)
Co inicio do curso academico o Proxecto Ríos comezou a campaña de outono. O Proxecto Ríos é unha iniciativa de Educación e Voluntariado Ambiental promovida por ADEGA. A finalidade deste programa é dar a coñecer o importante papel dos cursos fluviais, amosar as súas problemáticas así como fomentar iniciativas que permitan á cidadanía o mantemento e a mellora dos ríos proporcionando as ferramentas que garantan a súa participación.
(more…)
VELENOS NOS MONTES GALEGOS Nos últimos días saíu nos medio de Comunicación un problema, que non é novo en Galiza, e que por desgraza, estase a converter en crónico nos nosos montes.
(more…)
A auditora SGS concede o selo forestal máis ecolóxico a plantacións de piñeiro e eucalipto que invaden a rede Natura, provocan erosión e abusan dos químicos
Greenpeace lanza hoxe o informe "O escándalo NORFOR-SGS" no que denuncia as graves irregularidades e fallos do proceso de auditoría da multinacional SGS, empresa responsable de outorgar o certificado forestal FSC (1) á empresa forestal NORFOR, pertencente ao Grupo ENCE.
(more…)
Ainda que o titular ten algún erro (pois non é a unha plantación) sae aos medios unha resolución que xa se coñecía fai algúns días.
O problema xa non son as irregularidades de Norfor, senón á Certificadora nas que agora queda entredito a súa credibilidade, que xa non era moita.
Neste sentido, Greenpeace, anuncia que no día de hoxe, publicarán as súas valoracións, así coma actos en contra da certificadora.
A primeira semana dos traballos de limpeza dos fondos das illas Cíes, encargados polo Parque Nacional dás Illas Atlánticas, saldouse cun total de sete toneladas recolleitas. A empresa encargada das tarefas, Servisub, encheu os dez sacos dun metro cúbico de capacidade que tiña preparados para a recollida do lixo subacuática do arquipélago e ata tivo que traballar onte ante a cantidade dos desperdicios atopados.
Nota publicada no canal verde de Vieiros. Se está así Cies, que acontecerá no resto do noso litoral.
Non hai moito tempo, traballando en Viveiro, non era a semana que había novas sobre pescas escepcionais dos arrastreiros que traballaban na zona. Elecrodomésticos, impresoras, droga….. e despois fíxose famoso o anuncio dos patos de goma. ¿Son os novos arrecifes artificiais?
A redacción de Vieiros completou a nova.
ADEGA e o Sindicato Labrego Galego organizaron a pasada fin de semana en Vilalba unhas xornadas de información e discusión para debater sobre o proxecto da futura Lei da Minaría de Galiza, nestes intres en tramitación parlamentaria. O encontro reuniu ademáis de labregos/ase ecoloxistas, a un amplo número de afectados polas concesións mineiras da Terra Chá, representantes da Consellaría de Industria, voceiros dos grupos parlamentares e expertos en xeoloxía. Baixa as Conclusións
O Proxecto Ríos é unha iniciativa de Educación e Voluntariado Ambiental promovida por ADEGA. A finalidade deste programa é dar a coñecer o importante papel dos cursos fluviais, amosar as súas problemáticas así como fomentar iniciativas que permitan á cidadanía o mantemento e a mellora dos ríos proporcionando as ferramentas que garantan a súa participación.
Todos os meses chegan a ADEGA denuncias de talas de árbores senlleiras que amosan a crecente preocupación da sociedade polo seu patrimonio vexetal. Aínda que as árbores son só unha pequena parte da enorme diversidade vexetal de Galiza, resulta moi significativo que as voces de alarma xurdan da veciñanza preocupada pola perda deste patrimonio.
Co inicio do curso académico o Proxecto Ríos comezou a campaña de outono. O Proxecto Ríos é unha iniciativa de Educación e Voluntariado Ambiental promovida por ADEGA. A finalidade deste programa é dar a coñecer o importante papel dos cursos fluviais, amosar as súas problemáticas así como fomentar iniciativas que permitan á cidadanía o mantemento e a mellora dos ríos proporcionando as ferramentas que garantan a súa participación.
Son ben escasas as carballeiras de propiedade pública con que contamos tanto na provincia de Lugo coma no resto de Galiza. Na parroquia de Rioxoán, no concello lucense de POL, conservamos aínda unha carballeira de exemplares centenarios na que, ata non hai moito tempo, se celebraba unha importante romería, aorredor da capela adicada a Santa Petronila que hai no medio da carballeira e na que se conserva un valioso retablo barroco de mediados do século XVII, incluído, xunto coa capela, no inventario de bens catalogados. Na carballeira celebrababase tamén, – ata o 1947 -, unha importante feira quincenal, da que aínda ata non hai moito tempo se conservaban na carballeira alguns peitoriles de pedra usados como expositores. Trátase, pois, dun entorno que, – a maiores de constituir unha área de lecer natural para todos os veciños de Rioxoán e a maiores dos servizos ambientais que, como regulador do microclima e como paisaxe de singular interese, sempre ofrece unha carballeira -, constitúe un elemento inequívoco do noso patrimonio etnográfico e cultural.
A Lei de Ordenación da Minaría de Galiza está xa en trámite parlamentario. A minaría a ceo aberto constitúe unha actividade de graves impactos sobre o patrimonio natural e ecolóxico, sobre a paisaxe e sobre o territorio e usos do solo, que en non poucas ocasións ten dado lugar a importantes conflitos sociais. Cáseque a totalidade das explotacións mineiras en activo do país carecen das autorizacións necesarias para o exercicio da actividade (avaliación de impacto ambiental, autorización autonómica, licenza municipal, etc.) prácticas que os anteriores governos parecen ter consentido e mesmo estimulado a xulgar pola escasa acción sancionadora e a nula eficacia das medidas tomadas.
A Consellería de Medio Ambiente ven de avanzar aos grupos ecoloxistas as liñas básicas do novo Plano Galego de Residuos Sólidos Urbanos. O borrador, que será presentado no COGAMA (Consello Galego de Medio Ambiente) do 22 de outubro, contén as liñas mestras para a xestión dos RSUs no periodo 2007-2017. Nunha primeira valoración, semella que se pretende mudar o modelo SOGAMA, baseado na incineración, para dar máis pulo á reducción, á separación en orixe, á reciclaxe e á compostaxe. Porén, comprirá resolver millor cuestións como a comarcalización, certo sesgo "metanizador", definir claramente o papel da planta de Cerceda e presentar os orzamentos correspondentes.
Pese as denuncias públicas do colectivo SOS Courel (a presentación á administración de máis de 20.000 sinaturas contra o aproveitamento mineiro da Serra do Courel e a favor da súa conservación e da posta en marcha de iniciativas de emprego e conservación ambiental, e a movilización cidadá) o Courel continúa a estar ameazado pola presión dunha industria que nada ten que ver co desenvolvemento sustentable e coa conservación dun dos territorios de maior interese ambiental e etnográfico do noso país.
Unha vez que o goberno bipartito semella volver a dar as costas á cidadanía, nun continuismo incomprensible de submisión aos intereses económicos duns poucos e que recorda a tempos pasados, desde SOS Courel vémonos na obriga de emprender accións xudiciais para defender a legalidade.
Como o custo de todos estes procedementos, desgraciadamente é sempre proporcional a “magnitude da desfeita”, non temos máis remedio que pedir e aceptar doazóns. Por iso para todas e todos aqueles que estean interesados na defensa ambiental e cultural do Courel poñemos a súa disposición o noso nº de conta en La caixa:
2100 | 2183 | 56 | 0200181109
Este mércores 10 de outubro presentouse públicamente en Compostela a MARCHA NACIONAL CONTRA O PLANO ACUÍCOLA convocada por plataformas sociais e colectivos de afectados/as de toda a costa galega. Baixo o lema POLA TUA COSTA, POLO TEU MAR: NON AO PLANO ACUÍCOLA faise un chamado a todas as xentes de ben do país a berrar contra esta aberración ambiental, social e económica á que nos quere condear a Xunta. Será no Porto de Corrubedo, o domingo 4 de novembro de 2007 ás 12:00 da mañá. NON LLE FALLES AO NOSO LITORAL, NON LLE FALLES AO PAÍS!.
Os días 11,12,13, e 14 de Outubro, a plataforma a “ría non se vende” integrada por colectivos como: Foro Social de Cangas, Luita verde, Plataforma defensa Enseada de San Simón, OARedondela, Verdegaia, Voces polo Litoral Teis, CS A Revolta, CS Faísca, Salvemos Monteferro, Bouzas Móvete, GAS Vigo, Caleidoskopio, organiza un roteiro pola ría de Vigo para denunciar os pontos negros que está a sofrer o noso litoral.
A empresa "Fomensa Hispania S.L." iniciou as obras do parque eólico do Couto de San Sebastián no LIC Brañas de Xestoso sen ter aprobado o Proxecto Sectorial de Incidencia Supramunicipal, trámite que debe cumplimentar o Consello da Xunta. Os traballos xa causaron prexuizos irreparábeis nos hábitats e especies, algunhas prioritarias, protexidas pola Directiva de Hábitats. Diante destes feitos, ADEGA solicita ao Consello da Xunta que non aprobe o último trámite (incidencia supramunicipal) e proceda á paralización inmediata das obras á vista do proceder da empresa, que aplica a coñecida fórmula dos "fe¡tos consumados". Grazas a F. Azurmendi, A. Barbeito e D. Porto polas fotos. Ver QUERCUS 259
O conselleiro de Medio Ambiente, Manuel Vázquez e o delegado xeral en Galicia de la Caixa, Jesús de la Pedraja; Hernán Crespo, de Obra Social “la Caixa” e o director xeral de Conservación da Natureza, Xosé Benito Reza presentaron hoxe os primeiros proxectos medioambientais froito do convenio de colaboración firmado entre ambas institucións para potenciar e preservar as areas naturais de Galicia. Este acordo, que ten unha vixencia de tres años, suporá un investimento de 4,5 millóns de euros nas áreas protexidas de Galicia e prioriza a contratación de colectivos de persoas en risco de exclusión social. O monitoreo de hábitats de interese e prioritarios, a promoción de programas de atención e difusión ou a realización de material divulgativo sobre espazos naturais foron algunhas das actuacións que se realizan con cargo a este convenio
É responsable do PSOE en Ourense e da política ambiental da Xunta. Nesta entrevista anticipa algunhas claves do novo plan de tratamento de lixos e os motivos polos que reorganizou a instalación de piscifactorías e parques eólicos en zonas medioambientalmente protexidas. Para resumir o cambio político en Galicia, Manuel Vázquez di que "ao PP acabáronselle as cacicadas, xa non pode adiantar a ninguén nas listas de espera" (Publicada no Pais o 7/10/2007)
(more…)
O espazo natural da Rede Natura “Brañas de Xestoso”, situado entre os concellos de Silleda, A Estrada e Forcarei, está sendo obxecto dun grave atentado ecolóxico por parte da empresa Fomensa Hispania S.L. e a súa asociada ENEL-Unión Fenosa Renovables.
Un novo proxecto de minicentral ameazada o río Tronceda no Concello de Mondoñedo. O proxecto afecta ao LIC Serra do Xistral pertencente á Rede Natura, nestes momentos atópase en exposición pública. O proxecto presenta como documentación un estudo de efectos ambientais datado en agosto de 1998 por Técnicas y Servicios Energéticos de Galicia S.R.L. que podería constituir un dos peores estudos ambientais realizados en Galiza. Entre as flagrantes deficiencias observadas cabe destacar a ausencia total de especies de peixes tendo en conta que se está a estudar un río. No ano 2007, 9 anos despois de ser realizado este estudo de efectos ambientais o preceptivo é a realización dun estudo de impacto ambiental, moito máis riguroso, debido a que afecta a Rede Natura.
A Asociación para a Defensa Ecolóxica de Galiza (ADEGA) leva un tempo facendo seguimento do problema que teñen os veciños de Reboredo (San Cibrao das Viñas). Levamos a sorpresa de que o control das medicións da contaminación atmosférica faise en dúas estacións que posúe a Consellaría de Medio Ambiente na Rúa Eulogio Gómez Franqueira (xunto a Estación de Buses) e no Alto do Rodicio (Maceda).
A Dirección Xeral de Patrimonio Cutural da Consellería de Cultura e Deportes RESOLVEU o 27 de xullo do 2007 impoñer á empresa Excavaciones y Conducciones de Galicia, S.L. (EXCONGAL) unha multa de 130.000 euros e a obriga de restituir as cousas ao seu primitivo estado como responsable da comisión de dúas infraccións administrativas tipificadas no artigo 91.h) da Lei 8/1995, do 30 de outubro, do patrimonio cultural de Galicia, no entorno de protección do Petroglifo de Pozo Garrido, no lugar de Reibón, Concello de Moaña, declarado monumento histórico-artístico de carácter nacional e que ten a consideración de Ben de Interese Cultural de Galicia, co número de Rexistro (GA36029007).
A Fiscalía do Tribunal Superior de Xustiza de Galicia ordenou ao Servizo de Protección da Natureza da Garda Civil (Seprona) que investigue o alcance das verteduras incontroladas de explotacións gandeiras en Galicia co fin de articular, no que caso de que así proceda, posibles sancións administrativas ou penais por estas prácticas contaminantes.
O parque eólico "Couto de San Sebastián" que se está a construir no LIC Brañas de Xestoso e o Plano de Acuicultura son as actuacións que ADEGA ven de trasladar á Comisión e ao Parlamento Europeo. As denuncias teñen como obxectivo a paralización das obras do parque eólico tal como aconteceu coa autoestrada que atravesa o Parque Nacional de Biebrzański, na Rede Natura 2000 polaca, por dano irreversíbel a un espazo protexido. E sobre o Plano Acuícola, ADEGA quere trasladar ás institucións europeas a súa preocupación sobre as afeccións que as macropiscifatorías van causar no litoral e o uso de fundos europeos para subvencionar esta desfeita.