ADEGA e outros colectivos ecoloxistas presentan alegacións ao trazado do AVE por Cerdedo
ADEGA presentará mañá sábado día 27 de outubro ás 12 h. na Subdelegación do Governo en Pontevedra unha alegación ao trazado do tramo do TAV Barro-O Carballiño (por Cerdedo) xunto con outros colectivos culturais e ecoloxistas.Esta alegación conxunta está consensuada polos colectivos GAS (Grupo de Axitación Social)-Vigo, Asociación Cultural “Kaleidoskopio” (Vigo), Centro Social “A Revolta” (Vigo), Vaipolorío (Vilaboa-Pontevedra), Colectivo Nacionalista de Marín, APDR, ADEGA, Asociación Medioambiental e Cultural “Cañon de Pau” (Cotobade), e Asociación Ecoloxista e Cultural da Terra de Montes “Verbo Xido”.
(more…)
Fronte ás declaracións irresponsábeis dalgúns políticos que confunden o clima co tempo, ou a mercantilización do fenómeno por quenes nada fixeron cando tiñan oportunidade, cada día son máis as evidencias de que o cambio climático xa está eiquí e está mudando as nosas vidas. En Galiza, as consecuencias do quecemento global apontan a importantes mudanzas a medio prazo: perda de fertilidade dos solos, diminución dos recursos hídricos, maior incidencia dos lumes, e mesmo impactos na saúde. O derradeiro informe que aponta unha diminución da produtividade biolóxica das rías, debería ser motivo máis que suficiente para encender todas as luces de alarma. Catastrofismo?. Non, teimuda realidade. 
