Nova delegación comarcal de ADEGA en Valdeorras
Comeza a funcionar un grupo organizado na comarca para atender aos principais problemas ambientais
A Asociación pola Defensa Ecolóxica de Galiza (ADEGA) comezará a funcionar cunha delegación propia na comarca de Valdeorras e Viana coa idea de atender aos principais problemas ambientais da zona, que son moitos, e realizar actividades de educación ambiental e divulgación. Con esta son xa 13 as delegacións comarcais de ADEGA no territorio de Galiza. Para esta fin ADEGA contará con duas correspondentes que serán as responsábeis de levar adiante as actividades e representar á ADEGA na comarca. As correspondentes de ADEGA en Valdeorras son: María Folla Sotelo da Rúa e máis Dores Caperán García, do Barco.
 |
