O TSXG xa anulara a licenza para queimar pneumáticos na cementeira

ADEGA ven de comprobar como nas instalacións da cementeira que a empresa "COSMOS S.A." ten na localidade luguesa de Oural, atópase depositado en espera de ser incinerado un material de natureza descoñecida. O aspeito externo e a textura é moi similar á que presentaría un compost de ínfima calidade, fabricado a partir de RSUs ou misturado con lamas de depuradora, cunha grande porcentaxe de impropios (fragmentos de diversos tipos de plásticos) que mesmo son observábeis a simples vista.

O Ceida ven de anunciar que colaborará na recuperación da tartaruga boba para evitar as pragas de medusas.

A tartaruga boba é unha especie que está no catalogado coma especie vulnerable, no catálogo galego de especies ameazadas. Pero que se saiba, non foi unhaa especie residente. As poucas que se ven por Galiza son xuvenís ou subadultos.

A cuestión é: por que as Administracións que rixen o CEIDA (Concello de Oleiros, Universidade de a Coruña e a Consellería de Medio Ambiente), poñen a funcionar unha actuación coma esta, cando non están a facer nada polas que habitan habitualmente as nosas cstas ou os nosos montes. Coma é posible protexer especies noutros paises cando non somos capaces as que temos no noso territorio.

Por outro lado é curioso que fagan relación da presencia de medusas e augamares en Galiza coa sobre poboación que esá habendo no mediterraneo nos últimos anos. En Galiza sen houbo anos con presenza maior da normal destas traslucidas especies, pero é esporádico.

Pero o que máis utópico e que se chegue a pensar en poder criar tartarugas en Galiza (por si mesmas se entende). Non sei que pensarán os da CEMMA, que levan 15 anos recperando e estudando os mamíferos mariños e tartarugas que pasan polas nosas costas, e non se mencionan en ningún momento na nova

A Nova di (A Voz o 29/1/2008)
(more…)

A cuestión é:
O lugar mais afectado, en chegada de chapapote foi a illa de Arousa e en menor medida zonas de mar aberto (A Lanzada ou Corrubedo non hai novas). Estamos diante dun fuel intelixente, que sabe dirixirse e entrar sen problema na ría de Arousa, esquivando o litoral do O Grove, a illa de Sálvora e os illotes asociados, foi casualidade, ou o vertido foi dentro da ría.

Por outro lado, fai dous meses, celebramos con todos os honores, o cabo de ano do Prestige, mellorouse algo desde entón?. ¿onde van os barcos polivalentes(menos un que si se sabe onde está), os radares para controlar os vertidos.

Supoño que será outro bo motivo para pedir competencias en salvamento e seguridade mariña. Pero, si foi dentro da ría, coma así penso, xa temos as competencias, e seguimos sin saber que facer.

O faro publicou:
(more…)

A Asociación pola defensa da Ría ven de remitir á dirección executiva do sistema de certificación forestal do FSC (Forest Stewardship Council) o seu rexeitamento ao resumo público do informe da auditoría realizada pola súa propia entidade de certificación, ASI (Acreditation Service International) para comprobar as malas prácticas, opostas aos estándares do sistema, que realiza a empresa forestal filial de ENCE, NORFOR, que se atopa en posesión do certificado de xestión forestal sostible do FSC. Estas malas prácticas veñen sendo denunciadas por organizacións ecoloxistas dende que se concedeu o selo e supoñen unha xestión forestal claramente insostible a nivel ambiental, económico e social.