Alerta por ensaio de cultivos transxénicos en Galiza
ADEGA ven de saber que o Ministerio de Medio Ambiente, através da Dirección Xeral de Calidade e Avaliación Ambiental pretende autorizar un ENSAIO MASIVO con cultivos do millo transxénico en varias zonas do estado, incluindo Galiza. Trátase de avaliar o risco da liberación no ambiente dun híbrido derivado do cruce de dúas liñas de millo modificadas xeneticamente (NK603 x MON 810), pertencentes á empresa Monsanto Agricultura España, S.L. ADEGA demanda das consellerías de Medio Rural e Medio Ambiente que non autoricen ensaios con plantas transxénicas no ambiente e solicita do Parlamento que declare a Galiza, tal como aconteceu cos refugallos nucleares, territorio libre de cultivos transxénicos.
 |
