 |
A entidade municipal destrúe unha cruz de pedra e extrae de xeito ilegal terra do Castro de Covelo, no transcurso das obras de acondicionamento e asfaltado da estrada do barrio de Carballeda. Os feitos xa foron denunciados ante a Consellaría de Cultura e Deporte e ante a Consellaría de Medio Ambiente e Desenvolvemento Sostíbel |
 |
 |
Solicita aos Concellos que tamén declaren os seus territorios como zonas libres de transxénicos
Verdegaia demanda que Galicia sexa declarada pola Xunta e polo Parlamento como zona libre de transxénicos, seguindo o exemplo de Asturias e do País Basco e de máis de 170 rexións e países de toda Europa. Con este xesto, as institucións galegas amosarían inequivocamente o seu rexeitamento á introdución de transxénicos na agricultura e na alimentación, que está a acontecer sen suficientes garantías ambientais e sanitarias. Verdegaia tamén solicita aos Concellos que declaren os seus territorios zonas libres de transxénicos, como xa fixeron milleiros de municipios no resto de Europa. |
 |
 |
ADEGA denuncia novas agresións ao LIC Brañas do Xestoso que, xunto coas recentes obras dun parque eólico, significan a prática desaparición dos valores naturais deste espazo. Desecación da Lagoa Sacra de Olives, recheos das brañas, lumes provocados… É así como se xestiona un espazo que até o de agora acollía hábitats prioritarios para a UE, raras aves coma a avetarda (a meirande de Galiza) ou o sisón, en perigo de extinción?. A protección do noso patrimonio natural é cada vez máis virtual mentres se consuman todo tipo de agresións. De seguirmos así, só poderemos contemplar cómo era nosa natureza na web da consellería de Medio Ambiente.
|
 |
 |
Roteirríos é un programa de itinerarios organizado polo Proxecto Ríos que pretende unir ríos e persoas. Continuamos coa andaina iniciada o ano pasado tentando achegar os cursos fluviais á cidadanía nun ambiente lúdico, así como dar a coñecer o patrimonio natural, cultural e social asociado. Ríos + Rede Natura: na edición de 2008 ímonos achegar a ríos que estean incluidos na Rede Natura, para coñecer os seus valores e as súas ameazas: LIC río Tambre (8 de marzo); LIC Parga-Ladra-Támoga (26 de abril); LIC Macizo Central (24 de maio).
|
| |
Get free blog up and running in minutes with Blogsome | Theme designs available here