Luita Verde e Amig@s do Morrazo Verde denunciaron formalmente e por escrito ante a Dirección Xeral de Conservación da Natureza da Consellería de Medio Ambiente e Desenvolvemento Sostible a instalación de parte do circuito de saltos nas proximidades de Menduíña, na parroquia de Aldán do concello de Cangas, dentro da zona protexida do Lugar de Importancia Comunitario (LIC) de Udra, da Rede Natura, con motivo da celebración o pasado domingo 16 de marzo do campeonato galego de trial organizado pola Federación Galega de Motociclismo e a colaboración da Fundación Deporte Galego, a Consellería de Cultura e Deporte, a Diputación de Pontevedra e  Caixanova, solicitando a apertura dun expediente sancionador e que se prohiba a celebración deste tipo de eventos no futuro para que non se volte a repetir o sucedido, como tamén a circulación de vehículos motorizados polo citado LIC de Udra, do que temos constancia que está a ser unha costume ó longo do ano.

Famosa foi a sentencia pola contaminación da Ría de Vigo que a UE determinou pola falta de actuacións para eviatala (hoxe en suspensión provisional á espera das actuacións de emerxencia emprendidas polo bipartito), despois chegou a Sentencia do Tribunal das Comunidades Europeas, pola escasez de espazos protexidos, e concretamente pola falla de Zonas de Especial protección para as AVES (ZEPAS) e agora admite a estudo a denuncia polo acontecido no encoro de Fervenza.

Curiosamente, este encoro é xestionado pola empresa Ferroatlántica, a cal recemente se lle concedeu o Certificado de Calidade Ambiental (autorización ambiental integrada, ver o País) e que ademáis, é sospeitosa da crónica contaminación da ría de Corcubión (unha investigación que comenzou na época do PP para determinar o seu orixe, e foise prolongando no tempo e que aínda estamos á espera de resultados), por certo, tamén denunciado polos mariñeiros da zona ante a UE. Este é un exemplo da política ambiental galega.

Parece que a única política ambiental existente, e a que vai promulgando as sentenzas chegadas de Bruxelas, pois en Galiza esta é a última do Consello da Xunta. Seguimos a ter uns dirixentes na que a prosperidade, mídese pola cantidade de natureza que destruimos.
(more…)

Despois de seis anos de retraso, parece ser que se fai algo pola ampliación do Parque Nacional das Illas Atlánticas, por un lado e moi boa noticia, sobor de todo polas Sisargas pois de todos é coñecida a súa importancia ambiental e máis dubidosa sería a de Tambo pois ao seres militar pouco se sabe e preocupante estado dos seus fondos mariños afectado polo emisario da tan ecolóxica empresa ENCE.

Pero o máis preocupante de todo isto, ven do debate de si seremos capaces de conservar ditos valores. Os espazos naturais protexidos naceron para protexer o Patrimonio ambiental dun lugar, estado, nazón, continente (Rede Natura) ou mundial (Reserva da Biosfera), pero en Galiza temos a mala costume de prostituir todos estes bos fins.

Temos os Parques Naturais co único fin de un atractivo turístico, recentemente aprobou a consellería de Medio Ambiente de 500.000€ para sinalizar estes Parques para aumentar o turismo nestas zonas, a esto hai que sumar o Centro de Interpretación dos Parque Naturais de Galicia (9millóns, agora falan de 6millóns de euros) cuios fins son os mesmos. Que se fixo pola conservación ¡¡¡NADA. Alomenos non hai grandes proxectos para súa destrucción (agás do proxecto de inundación da mina das Pontes, que se fai sen ningúnha garantía.

Máis grave é a situación da REDE Natura e das Reservas da Biosfera, onde calqueira persoa ou Administración fai o que lle da a gana. Exemplos Serra de Careón, Monte e Lagoa de Louro, Gándaras de Budiño, Veiga de Ponteliñares, Terras do Miño ou de Allariz (poderiase seguir pero mencionaríammos todos.

Que futuro terá o Parque Nacional en Mans da Xunta de Galicia???

A Voz publicou  
(more…)