03/03/ 2008

Plano Acuícola: Galiza na avangarda mundial… da contaminación mariña

Filed under: Litoral

Este sábado pasado, compañeir@s da Plataforma de Quilmas, puideron comprobar de novo o "sustentábel" da acuicultura industrial, que está a deitar miles de toneladas de contaminantes e antibiólicos no millor da nosa costa. Unha vez máis, a praia de Corna Becerra en Quilmas, parte da Rede Natura, apareceu estrada de restos de pensos da piscifatoría de Stolt. Estes feitos, reiteradamente denunciados por ADEGA e as distintas plataformas, poñen de manifesto o descontrol dos vertidos destas instalacións e o risco supón un Plano Acuícola que pretende xeralizar estas macrofábricas de contaminación mariña por toda a costa.
 

Medio Ambiente autorizou a incineración de restos de coches no Oural

Filed under: Xestión Ambiental, Contaminación

No mesmo lugar onde o TSXG prohibira queimar pneumáticos, a Consellería de Medio Ambiente autorizou á cementeira COSMOS S.A. a incinerar en probas durante 15 días 500 toneladas de resíduo lixeiro de fragmentadora de veículos fóra de uso (isto é tapicerías, plásticos etc.), amosando unha falta total de respecto polas decisións da xustiza. O tribunal fallara que que na cementeira de Oural non se poden incinerar rodas porque non se acadan as distancias de seguridade. A contaminación provocada pola queima destes resíduos é potencialmente maior que a xerada polos pneumáticos.
 

Nace a Plataforma Galega Anti-transxénicos

Filed under: Augas e Ríos

Este venres 29 de febreiro de 2008 constituiuse en Galiza a Plataforma Galega Antintransxénicos, coincidindo cunha xornada de divulgación e debate sobre os perigos dos organismos modificados xenéticamente (OMX´s). Reunímonos no concello de Lalín vinte organizacións sociais galegas para iniciarmos o camiño que nos haberá de levar á consecución do obxectivo final: a declaración de Galiza zona ceibe de transxénicos. Na reunión deste venres establecéronse as principais liñas de traballo que a Plataforma Galega Antitransxénicos (OMX´s) levará a cabo (segue…)
 

Nova denuncia da APDR contra ENCE por recheos nas balsas de decantación

Filed under: Augas e Ríos, Litoral, Contaminación

 
A Asociación Pola Defensa da Ría ven de presentar unha nova denuncia –a terceira diante da Dirección Provincial de Costas, a segunda diante da Consellería de Medio Ambiente- contra ENCE polo recheo parcial, ilegal, da balsa de decantación número 4 do complexo industrial de Lourizán.
 Balsa 4 (centro) antes  

As denuncias que ten presentado a APDR foron estudadas e rexeitadas por ambas administracións que responderon á APDR cos argumentos da empresa; nas resolucións da Subdirección Provincial de Costas contéstase cunha cartas do director do Complexo Industrial de ENCE SA, Félix Pérez Gayol que chega a afirmar que "en ningún caso se trata dun recheo na zona tal e como se menciona na denuncia"
 

ADEGA participa nas II Xormadas do proxecto ‘’FOGARES VERDES'’

Filed under: Augas e Ríos, Residuos, Xestión Ambiental, Enerxía

 
 ADEGA ven de participar nas II Xornadas de intercambio de experiencias de "FOGARES VERDES" que tiveron lugar os días 27 e 28 de febreiro en Madrid. O programa FOGARES VERDES fai parte dunha iniciativa en rede estatal para a promoción de aforro no fogar e de loita contra o cambio climático a nível doméstico. Este programa está a piques de botar a andar en Compostela grazas a un convenio asinado por ADEGA, o INEGA e a Concellería de Medio Ambiente e Desenvolvemento Sustentábel de Santiago. Esta xuntanza foi unha boa unha oportunidade para coñecer e aprender de aqueles/as que levan xa máis de un ano traballando neste proxecto.
 

O encoro proxectado en Navia de Suarna afectará a numerosas especies protexidas

Filed under: Augas e Ríos

ADEGA rexeita este proxecto por ter un impacto ambiental “inadmisíbel”


 O encoro que a empresa Saltos del Navia CB pretende construir nos concellos de Ibias, A Fonsagrada e Navia de Suarna afectará a un espazo de grande valor ecolóxico con numerosas especies protexidas.
 O encoro que a empresa Saltos del Navia CB pretende construir nos concellos de Ibias, A Fonsagrada e Navia de Suarna afectará a un espazo de grande valor ecolóxico con numerosas especies protexidas.

 






















Get free blog up and running in minutes with Blogsome | Theme designs available here