 |
 |
A manipulación dos censos de caza é clara e xeralizada. ADEGA e “Matar por Matar Non” estudaron os Planos de Ordenación Cinexética (POC) de dous TECORes, un de Ourense e outro de Pontevedra, confirmando a falsidade dos datos que regulamentan a presión cinexética nestes espazos. En teoría, os datos dos censos obtéñense mediante avistadores que realizan percorridos de varias horas e anotan o número de animais das distintas especies que avistan. Sorprendentemente, a análise destes POCs reflicte que o número de avistamentos de perdices, raposos, xabaríns e corzos acada cifras absolutamente incribles.
|
| |
 |
Rematada a tempada de caza, e na que a maioría das especies están en plan época celo e cría, a Federación Galega de Caza está a organizar campionatos de caza de raposo sen os pertinentes permisos nin os pertinentes anuncios. Isto pon en perigo tanto ás especies, non so as especies (e non so as cinexéticas), se non tamén a poboación en xeral que quere exercer o seu dereito de uso e disfrute do monte os fin de semana. |
|
Esta nova, non é un caso puntual que acontece polas terras de Ourense, ou a unhas persoas (Mata por matar non) por estar en contra desta actividade a caza. Lendo esta nova na súa bitácora, lembro o que lle aconteceu ao meu pai non hai moito en Compostela, perto do que era de aquela os desmontes da cidade da cultura ao pasar por baixo dunha das pontes da autoestrada. Un domingo, coma case todos os domingos, foi pasear polo monte Viso. Ao cruzar a mencionada ponte, veuse no medio dun tiroteo duns cazadores, que posiblemente, ante o fracaso do día de caza, a tomaron cun miñato (especie non cazable). Estes grandes deportistas que xogaban fora do campo da súa actividade 8lembramos que a carón dun estrada está prohibido a caza, ata 100m.), marcharon sen pedir perdón. Isto foi o acontecido o que lles aconteceu aos de Matar por matar non. |
| A Universidade Rovira i Virgili ven de presentar un programa informático, o RIBEPEIX (zip 1.74 MB), que permite calcular a inxesta de contaminantes segundo o tipo e cantidade de peixe que inxerimos. Tamén permite avaliar os beneficios derivados da inxesta de ácidos grasos Omega-3, através destes alimentos. O programa está deseñado como un instrumento para optimizar de forma individual o consumo de peixe e marisco: selección das especies con maior contido en omega-3 e menores níveis de contaminantes, óptima frecuencia de consumo e cantidade idónea consumida. |  |
 |
 |
ADEGA apoiará e participará nas mobilizacións contra “Liga Popular da Caza do Raposo” de Escairón (O Saviñao-Lugo) este vindeiro sábado 15 de decembro. A cita é ás 10h fronte á casa do Concello de O Saviñao en Escairón, para logo partir ao monte e voltar ás 13h cunha concentración diante do concello.
A Plataforma Matar por matar non, ven de denunciar a ilegalidade destas “matanzas” está fundada, principalmente, no exceso de individuos que, segundo os tecores, existen desta especie. Tamén se fundamenta en que, o número de raposos a ser abatidos neses “campionatos”, está sempre dentro dos cupos, autorizados por Medio Ambiente, que teñen outorgados os tecores para ese ano. |
| |
 |
A Consellería de Medio Ambiente anunciaba o derribo do cercado en maio deste ano. Logo das xestións acordadas entre esta administración e a empresa explotadora do coto de caza, Tecsagés, quedaba conveniado o levantamento do citado cercado por considerar que se estaban causando prexuízos a unha zona de alto valor ecolóxico nomeada Lugar de Importancia Comunitaria.
Isto é unha denuncia feita por amigos da terra onte, e que non podemos facer outra cousa que unirnos a dita demanda.
Últimamente, estase a facer con moita facilidade o de por cancelas ao monte…
(more…)
Campaña de devolución ao monte dos 67 raposos, matados na IV copa nacional da caza do raposo celebrado no Carballiño en febreiro deste ano.
En colaboración con 12 persoas maiores da Residencia Nosa Sra. das Dores de Lalín, Voluntarios do Deza e Sobreira.
O colectivo cívico Matar por matar, NON! do que forma parte ADEGA, ven de remitir unha carta á conselleira de Cultura solicitándolle que non continúe a subvencionar os mal chamados "campionatos" de caza coa excusa de que é unha actividade deportiva máis. Estes "eventos" están nas antípodas do que representa o deporte como veículo educativo e de transmisión de valores cívicos (igualdade, solidariedade, respecto polo ambiente…) Competindo por ver quen mata máis seres vivos, que tipo de valores estamos a transmitir á nosa mocidade?
Unha medida que atenta contra a conservación da biodiversidade
A Federación Ecoloxista Galega dirixiu hoxe un escrito á Consellería de Medio Ambiente para que dea explicacións sobre que criterios e quen foi o responsable da autorización administrativa para transportar e soltar nun peche cinexético ata 20 corzos procedentes de Francia.
Recentemente varias Asociacións e o propio Concello de As Pontes solicitaron autorización a Consellería de Medio Ambiente para exterminar o lobo en plena época de celo no Concello de As Pontes, debido a supostos danos ocasionados pola especie. Guerrilleir@s das Fragas-FEG solicitoulle o departamento autonómico encargado de velar pola conservación das especies, que non autorice estas batidas así como o establecemento de medidas extraordinaria de vixilancia na zona, para evitar atentados contra o lobo. Tamén aproveitouse a ocasión para reclamar un sistema de compensación rápida e eficaz dos danos do lobo, sobre todo naqueles tristes casos onde os recursos económicos familiares dependen en gran medida do gando danado, cousa rara nun pobo industrial como As Pontes onde a maioría dos propietarios do gando son prexubilados de ENDESA con unha economía sustentada en gran medida por tódolos contribuíntes e non no gando.
O domingo 18 de febreiro de 2007, no Carballiño, vaise celebrar o IV Copa de España de Caza do Raposo. Ante esta “celebración” varios colectivos ecoloxistas e sociais englobados na Plataforma “Matar por matar NON” (na cal non está integrada o CES por non comprender a nosa área de actuación territorial pero na que si coincidimos e apoiamos nos seus obxectivos) declararon públicamente o seu rexeitamento con varias accións: concentración na praza maior de Carballiño o 4 de febreiro (á que asistiron centos de persoas), edición de carteis e pegatinas que se poden ver na maior parte dos establecementos públicos de Carballiño e comarca, manifestos, notas de prensa, debates en televisións locais e autonómicas… Esta campaña complementarase cunha acción de repulsa deste tipo de campionatos de caza o propio día da súa celebración que consistirá en que todos aqueles que queiran asistir teñen que presentarse diante do Concello de O Carballiño entre as 6 e as 13 h da mañan do día 18 e cubrir un impreso cos seus datos para comprometerse a participar de forma pacífica.
(more…)
A FEDERACIÓN ECOLOXISTA GALEGA puido saber que no comité de caza de Ourense solicitará ao Comité Galego de Caza que na próxima orde de Vedas 07-08, no se estenda a caza de raposo ao mes de febreiro, en calquera das súas modalidades, incluída as competicións. Esta cuestións foi aprobada pola maioría dos asistentes. (more…)
A Praza Maior de Carballiño acolleu ao mediodía de onte a concentración convocada por grupos ecologistas e o movemento social "Matar por matar, non" en contra do campionato nacional de caza do raposo que se disputará o día 18. Medio milleiro de persoas chegadas de toda Galicia participaron na movilización e expresaron con pegatinas e pancartas o seu rexeitamento a este torneo.
MANIFESTO "MATAR POR MATAR, NON"
Na vila do Conselleiro de Medio Ambiente da Xunta de Galiza vaise celebrar o día 18 de febreiro a IV Copa de España de Caza do Raposo.
Voluntarios ecoloxistas de toda Galiza desprazaranse o próximo 18 de febreiro aos montes de O Ribeiro e Carballiño co fin de impedir a celebración dun torneo nacional de caza do raposo. Este foi un dos acordos acadados na asamblea de representantes dos grupos naturalistas, ademáis da elaboración dun manifesto e a convocatoria dunha concentración dentro de dúas semanas na vila do Arenteiro. máis en La Región
A FEDERACIÓN ECOLOXISTA GALEGA recibiu nos últimos días numerosas peticións de cidadáns para que trasladen as autoridades competentes, neste caso á Consellería de Medio Ambiente, a grande consternación e impotencia ao ver en varios medios de comunicación ringleiras de raposos sacrificados, ata 37 no último Campionato provincial de Pontevedra celebrado en Rodeiro, no que se pode considerar coma “matanzas indiscriminadas” de raposos, suxeitas a un baleiro legal inexplicable á vista da grande mobilización de escopetas e número de animais que se sacrifican.
Malia a termos sofrido a vaga de lumes máis devastadora da historia, concellos como O Carballiño coa connivencia da Consellería de Medio Ambiente, apoian e consinten que se celebren acontecementos tan desafortunados como a "IV Copa de España de caza do Raposo". ADEGA lamenta a pouca sensibilidade ambiental dos responsábeis deste concello e do propio conselleiro de Medio Ambiente (ex-alcalde do Carballiño) que coa a sua actitude contribuen a empeorar o estado da maltreita fauna autóctona. É así como se xestiona a nosa biodiversidade?
A FEG denuncia que existe un descontrol absoluto en materia de caza e nas que continúan a darse prácticas escandalosas.
A FEG considera que a oferta realizada por unha das principais empresas cinexéticas de Ourense é a gota que colma o vaso na xestión da caza nesta provincia, e na que nos últimos anos se veñen dando situacións anormais relacionadas principalmente coa xestión de coutos e peches cinexéticos de caza maior. A FEG dirixe un escrito á Consellería de Medio Ambiente na que se pregunta cal é o papel exercido polos responsables do Servicio de Caza e Pesca da propia Consellería no tocante a autorizacións, controles, vixilancia e revisións administrativas das memorias técnicas de moitos dos TECOR desta provincia, e como se continúa facendo este traballo na actualidade, xa que os principais responsables continúan nos mesmos postos tratándose de cargos de libre designación. (more…)
A Federación Ecoloxista Galega mostra a súa profunda indignación polo macabro suceso relacionado coa aparición de tres lobos decapitados en Rodeiro, tratándose dun acto delitivo moi grave contra a fauna salvaxe e que pon en evidencia a debilidade dos mecanismos establecidos para o fomento do respecto á fauna e medio natural en xeral.
A Federación Ecoloxista Galega ante o inicio da temporada de caza en Galicia alerta que de continuar os vicios, abusos e permisividade que se ven practicando de xeito xeneralizado dentro da actividade cinexética galega para o inicio da próxima década atoparase nunha situación crítica de viabilidade e en claro Perigo de Extinción. (more…)
| M | T | W | T | F | S | S |
|---|---|---|---|---|---|---|
| « Oct | ||||||
| 1 | 2 | 3 | 4 | 5 | ||
| 6 | 7 | 8 | 9 | 10 | 11 | 12 |
| 13 | 14 | 15 | 16 | 17 | 18 | 19 |
| 20 | 21 | 22 | 23 | 24 | 25 | 26 |
| 27 | 28 | 29 | 30 | 31 | ||
Get free blog up and running in minutes with Blogsome | Theme designs available here