O Ceida ven de anunciar que colaborará na recuperación da tartaruga boba para evitar as pragas de medusas.

A tartaruga boba é unha especie que está no catalogado coma especie vulnerable, no catálogo galego de especies ameazadas. Pero que se saiba, non foi unhaa especie residente. As poucas que se ven por Galiza son xuvenís ou subadultos.

A cuestión é: por que as Administracións que rixen o CEIDA (Concello de Oleiros, Universidade de a Coruña e a Consellería de Medio Ambiente), poñen a funcionar unha actuación coma esta, cando non están a facer nada polas que habitan habitualmente as nosas cstas ou os nosos montes. Coma é posible protexer especies noutros paises cando non somos capaces as que temos no noso territorio.

Por outro lado é curioso que fagan relación da presencia de medusas e augamares en Galiza coa sobre poboación que esá habendo no mediterraneo nos últimos anos. En Galiza sen houbo anos con presenza maior da normal destas traslucidas especies, pero é esporádico.

Pero o que máis utópico e que se chegue a pensar en poder criar tartarugas en Galiza (por si mesmas se entende). Non sei que pensarán os da CEMMA, que levan 15 anos recperando e estudando os mamíferos mariños e tartarugas que pasan polas nosas costas, e non se mencionan en ningún momento na nova

A Nova di (A Voz o 29/1/2008)
(more…)

Varios efectivos tratan de localizar a un grupo de visóns que a primeiras horas desta mañá, por causas que se tratan de esclarecer, escaparon dunha granxa da zona de San Marcos-Lavacolla, próxima á cidade de Santiago de Compostela.

Segundo confirmaron a Europa Press fontes do Servizo 112, sobre as 6.30 horas de hoxe tívose coñecemento, a través da chamada dun particular, de que se escaparon entre 20 e 30 visións dunha granxa próxima á capital galega.

Así, deuse aviso do sucedido ao Corpo Nacional de Policía, á Policía Local, a Protección Civil, ao Seprona da Garda Civil e á Consellería de Medio Ambiente, á vez que se activou un operativo para tratar de capturar a estes animais.

O Servizo 112 pide aos cidadáns que non intenten atrapar a un visón, xa que son agresivos, e recomenda chamar para que sexan os efectivos activados ao efecto os que se encarguen de recuperar ao animal.

Fontes da Consellería de Medio Ambiente indicaron a Europa Press que na granxa na que se atopaban os visóns atópanse membros do departamento de Conservación dá Natureza e do Seprona, co obxectivo de coñecer o número exacto de animais fuxidos e investigar as causas do sucedido.

Dáse a circunstancia de que a principios de xullo de 2005 produciuse a Fronte de Liberación Animal liberou intencionadamente á maioría dos 35.000 visóns dunha granxa na mesma zona.

O prestige segue de moda, e seguen a sair datos informes e estudos das súas consecuencias.
Primeiro foi o informe dos efectos causados nos voluntarios da limpeza; logo o estudo do CSIC e dos niveis de hidrocarburos en sangue nas gaivotas patiamarelas; e agora sae aos medios os efectos sobre os corvos mariños cristado. Este informe non é novo, e xa fora publicado no ano 2005 na revista Marine Ecology (ver resumo), e eu coñecino, o estudo, ao estar traballando unha tempada con un dos autores. O raro é que non se publicitara antes.
Atribúen este problema da redución reprodutiva a un dos peixes básicos na época de cría, o bolo, e a verdade é que, e por poñer un exemplo, antes do prestige na lonxa do Grove/Ogrobe (amiña misión e resolver este entorto) puxábase este peixe, e o ano pasado e este, na mesma lonxa non vin ningunha caixa (e nas mesmas datas, pura observación, non pretendo que sexa dogma).
Polo que o corvo mariño cristado nos está a dicir, que non todo está recuperado.
(more…)

E van XVIII xornadas micolóxicas no condado, organizadas pola Asociación para Defensa da Natureza do Condado (ADENCO). Este ano conta coa novidade dos LUNS MICOLÓXICOS: . Como case todo o mundo acostuma a saír ao monte durante as fins de semana, os luns das Xeiras serán luns micolóxicos, é dicir, Adenco establecerá unha hora e lugar para que a xente que teña dúbidas asista a estes encontros para aclaralas. Serán os días 29 de Outubro e 5, 12 e 19 de Novembro, a partir das 20:00h na Casa da Triga de Ponteareas, na Praza Maior.

 Os programas son:
(more…)

VELENOS NOS MONTES GALEGOS

Nos últimos días saíu nos medio de Comunicación un problema, que non é novo en Galiza, e que por desgraza, estase a converter en crónico nos nosos montes.
(more…)

Mañá constitúese unha plataforma contraria a esa iniciativa da Consellería de Medio Ambiente. O alcalde de Xinzo, Isaac Vila, explica que hai "preocupación" en toda a comarca desde que se publicou o decreto que iniciou os trámites.- Haberá que ver quenes se suman á plataforma -.

A asociación ecoloxista Verdegaia alerta de que a pesar das denuncias realizadas a finais do mes de xuño, a empresa Transportes Marsou segue a obrar ilegalmente nunha parcela clasificada como Solo Rústico de Protección de Espazos Naturais (SRPEN) no PXOM porriñés.

ADEGA e o SLG (Sindicato Labrego Galego) propoñemos á administración unha mesa de negociación cos sindicatos agrarios e os ecoloxistas para analizar a problemática da Zona de Especial Protección de Aves (ZEPA) na Limia. Os obxectivos desta mesa de negociación deben ser coñecer polo miúdo as implicacións que esta ZEPA terá para a comarca da Limia e buscar a compatibilización da protección das aves cos intereses dos labregos e das labregas. Na foto, un sisón (Tetrax tetrax), ave da Limia en perigo de extinción.