 |
 |
Alerta dos cambios de correntes que afectarán á Ría de Vigo
| |
Despois de seis anos de retraso, parece ser que se fai algo pola ampliación do Parque Nacional das Illas Atlánticas, por un lado e moi boa noticia, sobor de todo polas Sisargas pois de todos é coñecida a súa importancia ambiental e máis dubidosa sería a de Tambo pois ao seres militar pouco se sabe e preocupante estado dos seus fondos mariños afectado polo emisario da tan ecolóxica empresa ENCE.
Pero o máis preocupante de todo isto, ven do debate de si seremos capaces de conservar ditos valores. Os espazos naturais protexidos naceron para protexer o Patrimonio ambiental dun lugar, estado, nazón, continente (Rede Natura) ou mundial (Reserva da Biosfera), pero en Galiza temos a mala costume de prostituir todos estes bos fins.
Temos os Parques Naturais co único fin de un atractivo turístico, recentemente aprobou a consellería de Medio Ambiente de 500.000€ para sinalizar estes Parques para aumentar o turismo nestas zonas, a esto hai que sumar o Centro de Interpretación dos Parque Naturais de Galicia (9millóns, agora falan de 6millóns de euros) cuios fins son os mesmos. Que se fixo pola conservación ¡¡¡NADA. Alomenos non hai grandes proxectos para súa destrucción (agás do proxecto de inundación da mina das Pontes, que se fai sen ningúnha garantía.
Máis grave é a situación da REDE Natura e das Reservas da Biosfera, onde calqueira persoa ou Administración fai o que lle da a gana. Exemplos Serra de Careón, Monte e Lagoa de Louro, Gándaras de Budiño, Veiga de Ponteliñares, Terras do Miño ou de Allariz (poderiase seguir pero mencionaríammos todos.
Que futuro terá o Parque Nacional en Mans da Xunta de Galicia???
| |
 |
| |
| |
 |
A Asociación Pola Defensa da Ría ven de presentar unha nova denuncia –a terceira diante da Dirección Provincial de Costas, a segunda diante da Consellería de Medio Ambiente- contra ENCE polo recheo parcial, ilegal, da balsa de decantación número 4 do complexo industrial de Lourizán.
|
| Balsa 4 (centro) antes |
 |
| |
A “Asociación Pola Defensa da Ría” de Pontevedra ven de iniciar a recollida pública de alegacións contra a concesión da Autorización Ambiental Integrada á fábrica de ENCE en Lourizán por entender que a presencia do complexo industrial ENCE-ELNOSA na nosa Ría impide o desenvolvemento sustentábel da nosa bisbarra (un desenvolvemento que ten que vir da man da explotación racional dos recursos marisqueiros, pesqueiros, forestais e turísticos) e afecta negativamente ao medio ambiente, aos recursos naturais e á saúde e calidade de vida das persoas. Entende tamén a APDR que a concesión da AAI a ENCE suporía a consolidación do complexo na súa actual ubicación, algo que é rexeitado na actualidade pola inmensa maioría da poboación da bisbarra pontevedresa.| |
 |
Plano Acuícola, primeira vitoria:
| |
O Ceida ven de anunciar que colaborará na recuperación da tartaruga boba para evitar as pragas de medusas.
A tartaruga boba é unha especie que está no catalogado coma especie vulnerable, no catálogo galego de especies ameazadas. Pero que se saiba, non foi unhaa especie residente. As poucas que se ven por Galiza son xuvenís ou subadultos.
A cuestión é: por que as Administracións que rixen o CEIDA (Concello de Oleiros, Universidade de a Coruña e a Consellería de Medio Ambiente), poñen a funcionar unha actuación coma esta, cando non están a facer nada polas que habitan habitualmente as nosas cstas ou os nosos montes. Coma é posible protexer especies noutros paises cando non somos capaces as que temos no noso territorio.
Por outro lado é curioso que fagan relación da presencia de medusas e augamares en Galiza coa sobre poboación que esá habendo no mediterraneo nos últimos anos. En Galiza sen houbo anos con presenza maior da normal destas traslucidas especies, pero é esporádico.
Pero o que máis utópico e que se chegue a pensar en poder criar tartarugas en Galiza (por si mesmas se entende). Non sei que pensarán os da CEMMA, que levan 15 anos recperando e estudando os mamíferos mariños e tartarugas que pasan polas nosas costas, e non se mencionan en ningún momento na nova
A Nova di (A Voz o 29/1/2008)
(more…)
 |
A cuestión é:
O lugar mais afectado, en chegada de chapapote foi a illa de Arousa e en menor medida zonas de mar aberto (A Lanzada ou Corrubedo non hai novas). Estamos diante dun fuel intelixente, que sabe dirixirse e entrar sen problema na ría de Arousa, esquivando o litoral do O Grove, a illa de Sálvora e os illotes asociados, foi casualidade, ou o vertido foi dentro da ría.
Por outro lado, fai dous meses, celebramos con todos os honores, o cabo de ano do Prestige, mellorouse algo desde entón?. ¿onde van os barcos polivalentes(menos un que si se sabe onde está), os radares para controlar os vertidos.
Supoño que será outro bo motivo para pedir competencias en salvamento e seguridade mariña. Pero, si foi dentro da ría, coma así penso, xa temos as competencias, e seguimos sin saber que facer.
 |
Nas inmediacións do faro d´A Frouxeira, concello de Valdoviño, pódense ollar unhas gabias abertas en plena zona dunar – hábitat prioritario código Rede Natura 2130* (dunas grises) -, conformando un rectángulo de aprox. 1 Ha. Nas esquinas cimentáronse uns marcos cilíndricos de 1 m de altura. Estas actuacións provocaron unha importante alteración na morfoloxía do hábitat e na vexetación dunar, ambos protexidos. Alén disto, as obras leváronse a cabo nun Lugar de Importancia Comunitaria (LIC ES1110002 Costa Ártabra) da Rede Natura 2000. Á desfeita provocada pola urbanización da Frouxeira, xa denunciada por ADEGA, únese agora este novo atentado contra unha Rede Natura de "pim-pam-pum". |
| |
 |
 |
A Plataforma Veciñal de Merexo e ADEGA convoca para o domingo 16 de decembro, ás 12 horas en Merexo (Muxía) un multitudinario acto reivindicativo coa celebración dunha Cadea Humana. Pretendemos delimitar visualmente o perímetro da superficie que a Consellería de Pesca pretende expropiar (270.000 metros cadrados) para incluir no Plano Acuícola. Tamén se lerá por parte de destacadas figuras un manifesto contra o Plano Acuicola Galego.
TOD@S A MEREXO: MANIFESTACIÓN E CADEA HUMANA O DOMINGO 16, ÁS 12 HORAS
http://www.merexononsevende.com/
CHARLA INFORMATIVA EN CAMELLE, O DÍA 12 ÁS 19:30
Este mércores 12 de decembro terá lugar na Casa da Cultura de Camelle ás 19:30 unha charla informativa para expor a problemática das piscifatorías. En Camelle, no Concello de Camariñas, está prevista a construcción da piscifatoría de Xandriña que non contempla depuración das augas residuais do proceso productivo ademais dun enorme impacto ambiental e social.
| A Universidade Rovira i Virgili ven de presentar un programa informático, o RIBEPEIX (zip 1.74 MB), que permite calcular a inxesta de contaminantes segundo o tipo e cantidade de peixe que inxerimos. Tamén permite avaliar os beneficios derivados da inxesta de ácidos grasos Omega-3, através destes alimentos. O programa está deseñado como un instrumento para optimizar de forma individual o consumo de peixe e marisco: selección das especies con maior contido en omega-3 e menores níveis de contaminantes, óptima frecuencia de consumo e cantidade idónea consumida. |  |
| |
|
Achegamos unha reportaxe publicada en varios medios de prensa escrita (El correo gallego), onde os compañeiros da CEMMA contan detalles dunha das nosas xoias do litoral; A Toniña. Esto nos pode levar a un problema aínda non resolto en Galiza ¿Quen ten competencia en conseración da Natureza nas nosas costas? ¿Quen vai conservar ou realizar plans de xestión para protexer estas especies ameazadas?.
De todos é sabido que o litoral, a parte da terra que linda co mar, son dúas Administracións e tres Departamentos; Costas, Consellería de Medio Ambiente e Consellería de Pesca, pero no mar redúcese a Costas, Pesca (Ministerio) e Pesca (Consellería). Pero ¿Algunha destas se responsabiliza da conservación dos seus ecosistemas e especies? Ningunha. |
En relación á nova sobre á contratación da redación do proxecto definitivo, execución e explotación da Estación Depuradora de Augas Residuais (E.D.A.R.) prevista en Punta Avarenta (Ares), queremos lembrarlle á Xunta de Galicia que todavía non se contestaron ás alegacións presentadas por particulares e entidades ao anteproxecto, entre elas as de Verdegaia, nas que, estando de acordo coa necesidade de depurar urxentemente as augas residuais dos concellos de Fene, Ares e Mugardos, vese necesario o afastamento da E.D.A.R. da ribeira da ría, así como a súa integración no contorno natural, co obxecto de reducir ao máximo posíbel o impacto ambiental de dita instalación sobre a Rede Natura (L.I.C. "Costa Ártabra") e sobre a marxe norte da Ría de Ares que a propia Xunta de Galicia propón incorporar á Rede de Espazos Naturais Protexidos, comprendida entre Punta Avarenta e Punta do Castelo.
 |
O pasado 24 de novembro activistas galegos e portugueses de ADEGA e a Quercus realizamos unha acción de protesta conxunta ante a desfeita ambiental provocada pola construcción dunha macroplanta acuícola de Pescanova en Praia de Mira (Distrito de Coimbra). Na visita organizada polos compañeiros ecoloxistas da Quercus comprobamos o grave impacto ambiental consistente no aterramento dunha enorme estrada en zona de duna vexetada con piñeiros así como a destrucción de 80 hectáreas de piñeiral sobre campo areoso, en plena Rede Natura. |
| |
O Faro de Vigo ven de publicar unhas declaracións do Director do Cluster (termo inglés, pois é moi vulgar o termo castelán/galego de grupo, federación, coordinadora…; ¡¡pedantería!!) da Acuícultura de Galicia, nas que pide un trato de favor para súas empresas. ¿Por que? ¿Logo non son ciudadás como os outros?
(more…)
Impactos ambientais que continúan e non se avalían, marea cincenta de urbanizacións e infraestruturas, avanzos lexislativos insuficientes, problemas para a saúde, e un modelo de transporte que xerará máis desastres no futuro, é o balanzo do accidente do Prestige 5 anos despois para Ecologistas en Acción, a Federación Ecoloxista Galega e Verdegaia. Máis premendo sobre estas liñas
|
Cinco anos, cinco, queda menos. Durante estes días falouse, fálase e falarase moito do Prestige, pola súa conmemoración, e moitas veces, de balde. Pero queda demasiado por coñecer e que irá saíndo pinga a pinga, ou fio a fio. Mostras son os estudos sobre a influenza na saúde dos que se foron as praias a limpar, o que non facían por aquel as Administracións (proba que o voluntariado é algo solidario, pero tamén reivindicativo, outra forma de denuncia, e non algo que ten que dirixir e mandar as institucións oficiais), ou o que acontece co estudio das gaivotas patiamarelas, presentado polo CSIC.
Pensar que Nunca máis haberá, é unha utopía, pero haberá que tentalo e forzar políticas para evitalo.
(more…)
O Grupo Ecoloxista LUITA VERDE decidiu en asemblea celebrada o pasado sábado 10 de novembro, que non vai retirar o RECURSO DE REPOSICIÓN interposto en tempo e forma o 21-03-2007 ó proxecto de RECUPERACIÓN AMBIENTAL DEL ENTORNO DE LA PLAYA Y MARISMA DE VILARIÑO, T.M. DE CANGAS (PONTEVEDRA), aprobado e promovido o 5 de febreiro de 2007 pola Dirección Xeral de Costas e sigue solicitando modificacións en base ó alegado na fase de información pública do proxecto, e así llo vai comunicar ó Servicio Provincial de Costas en Pontevedra. Hai máis premendo sobre esta liña
O accidente do buque Prestige ocasionou unha auténtica catástrofe ecolóxica nas costas galegas. Numerosos enclaves naturais, entre eles 20 Lugares de Interese Comunitario da Rede Natura 2000, o Parque Nacional das Illas Atlánticas, seis zonas húmidas do convenio internacional Ramsar no noso litoral e tamén Zonas Especiais para a Protección das Aves (ZEPAS), foron afectados. Máis de 120.000 persoas víronse directa ou indirectamente afectadas no seu medio de vida (a pesca, o marisqueo, turismo…). Máis premendo eiquí
MARCHA NACIONAL POLA DEFENSA DO LITORAL CORRUBEDO, 4 DE NOVEMBRO DE 2007, 12 horas
O tirapuxa entre a Xunta e o Ministerio de Industria polos parques eólicos mariños está a desviar a atención sobre a cuestión de fondo: o desenvolvemento das renovábeis en Galiza está baseado no produtivismo e non na eficiencia. A Xunta segue coa teima de triplicar a producción eólica no 2011 e o Ministerio quere implantar a eólica mariña en todo o estado. En Galiza o desenvolvemento eólico tivo custos ambientais e sociais moi altos: privatizáronse os beneficios e socializáronse os impactos. Agora meter muíños na costa alén de innecesario, podería ter graves consecuencias sobre os nosos recursos mariños.
(more…)
Pese ao prematura da nova, e a espera de máis detalles, xurde dos teletipos que o Ministerio de Medio Ambiente compra Sálvora e os seus illotes asociados.
Supón a xestión pública destas illas do Parque Nacional, sen basearse nos interese dos donos privados, privada ata o de agora e cunha oferta de Caixa Galicia na mesa.
Por todo iso, A FEG felicítase de tal feito e da iniciativa que contribuirá a unha maior conservación do Espazo, así coma a recuperación do espazo público MarIño-terrestre
Esta é a nota de prensa de Medio Ambiente
(more…)
A primeira semana dos traballos de limpeza dos fondos das illas Cíes, encargados polo Parque Nacional dás Illas Atlánticas, saldouse cun total de sete toneladas recolleitas. A empresa encargada das tarefas, Servisub, encheu os dez sacos dun metro cúbico de capacidade que tiña preparados para a recollida do lixo subacuática do arquipélago e ata tivo que traballar onte ante a cantidade dos desperdicios atopados.
Nota publicada no canal verde de Vieiros. Se está así Cies, que acontecerá no resto do noso litoral.
Non hai moito tempo, traballando en Viveiro, non era a semana que había novas sobre pescas escepcionais dos arrastreiros que traballaban na zona. Elecrodomésticos, impresoras, droga….. e despois fíxose famoso o anuncio dos patos de goma. ¿Son os novos arrecifes artificiais?
A redacción de Vieiros completou a nova.
Este mércores 10 de outubro presentouse públicamente en Compostela a MARCHA NACIONAL CONTRA O PLANO ACUÍCOLA convocada por plataformas sociais e colectivos de afectados/as de toda a costa galega. Baixo o lema POLA TUA COSTA, POLO TEU MAR: NON AO PLANO ACUÍCOLA faise un chamado a todas as xentes de ben do país a berrar contra esta aberración ambiental, social e económica á que nos quere condear a Xunta. Será no Porto de Corrubedo, o domingo 4 de novembro de 2007 ás 12:00 da mañá. NON LLE FALLES AO NOSO LITORAL, NON LLE FALLES AO PAÍS!.
Os días 11,12,13, e 14 de Outubro, a plataforma a “ría non se vende” integrada por colectivos como: Foro Social de Cangas, Luita verde, Plataforma defensa Enseada de San Simón, OARedondela, Verdegaia, Voces polo Litoral Teis, CS A Revolta, CS Faísca, Salvemos Monteferro, Bouzas Móvete, GAS Vigo, Caleidoskopio, organiza un roteiro pola ría de Vigo para denunciar os pontos negros que está a sofrer o noso litoral.
As declaracións do Presidente da Xunta no VI Congreso de Acuicultura en Vigo, louvando o Plano Acuícola polo "impacto cero" na Rede Natura e a criazón de "2000 postos de traballo", amosan un preocupante descoñecemento da realidade ambiental e social destas macroinstalacións. O Plano Acuícola está moi lonxe de atender a criterios de sustentabilidade ambiental, utilidade pública e interese económico para o país. Só atende aos intereses empresariais de corporacións transnacionais tan "galegas" como Stolt Sea Farm (que desfixo cabo Vilán e agora quere o resto) ou Pescanova (á que impedimos desfacer Touriñán e agora cementa a costa portuguesa), e as que a Xunta vai "premiar" con 390 milóns de € en subvencións públicas.
O próximo sábado 22 de setembro terá lugar ás 19:00 na Casa da Cultura de Arou unha sesión informativa sobre a problemática das piscifatorías.
A asociación ecoloxista Verdegaia alerta de que a pesar das denuncias realizadas a finais do mes de xuño, a empresa Transportes Marsou segue a obrar ilegalmente nunha parcela clasificada como Solo Rústico de Protección de Espazos Naturais (SRPEN) no PXOM porriñés.
ADEGA E VECIÑOS DE AROU, MEREXO E QUILMAS INTERVEÑEN NUNHAS XORNADAS SOBRE O RODABALLO EN CAMARIÑAS
O pasado venres 14 de setembro veciños de Arou, Merexo e Quilmas xunto con ecolxistas de ADEGA interviron nunhas xornadas sobre o rodaballo celebradas en Camariñas para expresar o seu rexeitamento sobre o Plano de Acuicultura que se atopa nestes momentos en tramitación, pendente de contestar ás numerosas alegacións presentadas.
