Despois de seis anos de retraso, parece ser que se fai algo pola ampliación do Parque Nacional das Illas Atlánticas, por un lado e moi boa noticia, sobor de todo polas Sisargas pois de todos é coñecida a súa importancia ambiental e máis dubidosa sería a de Tambo pois ao seres militar pouco se sabe e preocupante estado dos seus fondos mariños afectado polo emisario da tan ecolóxica empresa ENCE.

Pero o máis preocupante de todo isto, ven do debate de si seremos capaces de conservar ditos valores. Os espazos naturais protexidos naceron para protexer o Patrimonio ambiental dun lugar, estado, nazón, continente (Rede Natura) ou mundial (Reserva da Biosfera), pero en Galiza temos a mala costume de prostituir todos estes bos fins.

Temos os Parques Naturais co único fin de un atractivo turístico, recentemente aprobou a consellería de Medio Ambiente de 500.000€ para sinalizar estes Parques para aumentar o turismo nestas zonas, a esto hai que sumar o Centro de Interpretación dos Parque Naturais de Galicia (9millóns, agora falan de 6millóns de euros) cuios fins son os mesmos. Que se fixo pola conservación ¡¡¡NADA. Alomenos non hai grandes proxectos para súa destrucción (agás do proxecto de inundación da mina das Pontes, que se fai sen ningúnha garantía.

Máis grave é a situación da REDE Natura e das Reservas da Biosfera, onde calqueira persoa ou Administración fai o que lle da a gana. Exemplos Serra de Careón, Monte e Lagoa de Louro, Gándaras de Budiño, Veiga de Ponteliñares, Terras do Miño ou de Allariz (poderiase seguir pero mencionaríammos todos.

Que futuro terá o Parque Nacional en Mans da Xunta de Galicia???

A Voz publicou  
(more…)

Malo cando os políticos non saben defenderse doutro xeito que descalificando. Mítico (e dificilmente superabel) foi cando un Delegado do Goberno e despois conselleiro (Diz Guedes) chamou aqueles que se mobilizaban en contra de SOGAMA como cachorros de Jarrai. A máis graciosa é cando nos tildan de facer política, coma algo que nos descalificara; se facer política e malo, eles son peores que viven diso.

Neste blog, xa se comentou o de o Conselleiro de Medio Ambiente e de Paco Rodríguez a raiz da manifestación de Galiza non se Vende (Ver Os políticos están Enfadados, perdidos e sen rumbo), pero agora as descalificacións veñen por outro motivo.
(more…)

Parecer ser que a manifestación do pasado domingo, fixo dano aos políticos galegos, pero a verdade é que non se montou para felicitalos. Cal é o concepto de Democracia que teñen os nosos políticos? ¿Pensan que democracia é soamente que se lles vote cada catro anos.
(more…)

O prestige segue de moda, e seguen a sair datos informes e estudos das súas consecuencias.
Primeiro foi o informe dos efectos causados nos voluntarios da limpeza; logo o estudo do CSIC e dos niveis de hidrocarburos en sangue nas gaivotas patiamarelas; e agora sae aos medios os efectos sobre os corvos mariños cristado. Este informe non é novo, e xa fora publicado no ano 2005 na revista Marine Ecology (ver resumo), e eu coñecino, o estudo, ao estar traballando unha tempada con un dos autores. O raro é que non se publicitara antes.
Atribúen este problema da redución reprodutiva a un dos peixes básicos na época de cría, o bolo, e a verdade é que, e por poñer un exemplo, antes do prestige na lonxa do Grove/Ogrobe (amiña misión e resolver este entorto) puxábase este peixe, e o ano pasado e este, na mesma lonxa non vin ningunha caixa (e nas mesmas datas, pura observación, non pretendo que sexa dogma).
Polo que o corvo mariño cristado nos está a dicir, que non todo está recuperado.
(more…)

Europa press manda unha nova na que os sindicatos e ecoloxistas van falar o 30 de novembro polo tema da Limia!. Supoño que é unha cita consensuada con esas tres asociacións ecoloxistas, e que esas tres asociacións ecoloxistas decidiron que so ían elas a negociar, que as outras non temos nada que dicir. Suponse que se tivo unha reunión previa con elas para facer camiño, o mesmo que se fixo cos sindicatos, pois non será obxetivo da xunta mandalas aos lobos sen falar con elas previamente.

Que di a nova:
(more…)

Europa press, acaba de colgar da súa web, despois noutros medios dixitais, na que segundo datos do INE, en Galiza é a cuarta autonomía Española onde a industria máis invirten en Medio Ambiente. Por desgracia a nova quédase en iso, polo que queda totalmente a medias.

En que esta a invertir?, Están en arranxar algo dos problemas que máis provocan?, ou son dos típicos investimentos de imaxe para quedar ben. Polo que eu saiba as industrias contaminantes dos nosos ríos non están a montar ningunha depuradora (polo xeral a estamos a pagar todos ou van ao río), poucas están a montar filtros para ser menos contaminantes atmosféricos, ou inversións para protexer especies ameazadas (máis ben non é o primeiro niño tirado dun poste da luz.

Seguiremos informando.

A nova di:
(more…)

Non vou ser eu o que opine sobre este artigo do Pais

Os escritores Rivas e De Touro destacan o cambio que desatou a marea negra

Cinco anos, cinco, queda menos. Durante estes días falouse, fálase e falarase moito do Prestige, pola súa conmemoración, e moitas veces, de balde. Pero queda demasiado por coñecer e que irá saíndo pinga a pinga, ou fio a fio. Mostras son os estudos sobre a influenza na saúde dos que se foron as praias a limpar, o que non facían por aquel as Administracións (proba que o voluntariado é algo solidario, pero tamén reivindicativo, outra forma de denuncia, e non algo que ten que dirixir e mandar as institucións oficiais), ou o que acontece co estudio das gaivotas patiamarelas, presentado polo CSIC.

Pensar que Nunca máis haberá, é unha utopía, pero haberá que tentalo e forzar políticas para evitalo.
(more…)

A primeira semana dos traballos de limpeza dos fondos das illas Cíes, encargados polo Parque Nacional dás Illas Atlánticas, saldouse cun total de sete toneladas recolleitas. A empresa encargada das tarefas, Servisub, encheu os dez sacos dun metro cúbico de capacidade que tiña preparados para a recollida do lixo subacuática do arquipélago e ata tivo que traballar onte ante a cantidade dos desperdicios atopados.

Nota publicada no canal verde de Vieiros. Se está así Cies, que acontecerá no resto do noso litoral.

Non hai moito tempo, traballando en Viveiro, non era a semana que había novas sobre pescas escepcionais dos arrastreiros que traballaban na zona. Elecrodomésticos, impresoras, droga….. e despois fíxose famoso o anuncio dos patos de goma. ¿Son os novos arrecifes artificiais?

A redacción de Vieiros completou a nova.

É responsable do PSOE en Ourense e da política ambiental da Xunta. Nesta entrevista anticipa algunhas claves do novo plan de tratamento de lixos e os motivos polos que reorganizou a instalación de piscifactorías e parques eólicos en zonas medioambientalmente protexidas. Para resumir o cambio político en Galicia, Manuel Vázquez di que "ao PP acabáronselle as cacicadas, xa non pode adiantar a ninguén nas listas de espera" (Publicada no Pais o 7/10/2007)
(more…)

O grupo parlamentario do PSOE presentou na cuarta feira unha proposición non de lei que aprobaron todos os partidos, para establecer políticas de loita contra as alteracións climáticas na propia administración Vieiros.

CANDO SE CONVERTIRÁN ESTAS BOAS INTENCIÓNS EN BOS FEITOS????

O Premio de Xornalismo NANO CAMBEIRO foi instituído polo Instituto de Estudos Miñoranos para lembrar ao xornalista e ao amigo. Cumprindo co establecido na convocatoria, faise pública a súa resolución ao cumprirse o sexto aniversario da irreparable perda do xornalista Nano Cambeiro.

Aproveitamos a ocasión para felicitar a todos os nosos simpatizantes, e pedir axuda para espallar a nova, xa que pouco cabe esperar da prensa "tradicional"

Igual que para coñecer o sistema sanitario o mellor é pasar por enfermo uns meses, entre médicos, ambulatorios e hospitais; para coñecer o sistema penal non hai mellor cousa que durmir unhas semanas nas mazmorras dalgunha dos cárceres do país, para coñecer o transporte urbano propoño sacar a bici do faiado logo dos paseos estivais e desprazarse ao traballo polo interior das vísceras do sistema urbano, para experimentar intensamente os fumes, berros, ruídos, insultos da variada fauna humana que cando se sobe a un coche saca o peor que leva dentro e converte a rúa nunha auténtica xungla.

Fai algúns días, un artigo publicado nunha revista de conservación da natureza ocupábase dunha interesante cuestión. Nunha recente reunión da Sociedade Internacional de Bioloxía da Conservación, os científicos discutiron acerca da conveniencia ou non da súa implicación nas cuestións ambientais, máis aló da pura exposición dos datos. Unha enquisa revelou, ao final, que dous terzos dos asistentes estaban a favor de participar activamente neses temas. ¿Preguntáronse algunha vez que pasase en Galicia se nas últimas décadas os científicos e técnicos relacionados co medio ambiente adoptasen esa actitude? Pois fagamos ficción.