 |
Verdegaia, a coordinación do Plan de Desenvolvemento Sostible da USC, dependente da Vicerreitoría de Calidade e Planificacióna e a Dirección Xeral de Desenvolvemento Sostible, poñen conxuntamente en marcha por segundo ano consecutivo un Programa de préstamo de bicicletas dirixido aos membros da comunidade universitaria tanto no campus de Lugo coma no de Santiago.
|
 |
 |
 |
Este mes, dentro do noso programa de roteiros 2007-2008, adicados ó cambio climático, ADEGA proponvos unha bicicletada pola cidade de Lugo. |
 |
 |
Diante da crecente presenza destes vehículos nas cidades, Ecoloxistas en Acción elaborou un exhaustivo estudo baixo o epígrafe “4×4 = – Planeta”, traducido e presentado en Galicia por Verdegaia, que vén a demostrar a alta capacidade de destrución ambiental que posúen estes vehículos. Do informe despréndese que se ben os impactos que ocasionan estes vehículos son comúns a todos os automóbiles, o grao de incidencia dos mesmos é moito máis acusado nos 4×4. |
|
Fronte á Campaña da Dirección Xeral de Tráfico, pola que correrá a cargo dos xuros de ata 1000 euros a 36 meses, para que as persoas de entre 17 e 25 anos poidan sacarse o carné de conducir; a Verdegaia solicitou a este organismo que, polo mesmo custo, regale bicicletas como medio transporte non agresivo, saudable e respectuoso co medio ambiente. Ler máis premendo eiquí
En novembro arrincamos cun novo proxecto dentro da área de Educación Ambiental en Verdegaia-Vigo. É o proxecto “SAPOCONCHOS”. Vai dirixido a todos/as aquelas/es nenas/os, de entre 5 e 14 anos, que queiran acompañarnos. Son actividades abertas e gratuitas. O que procuramos dende “sapoconchos” é promover o coñecemento e a comprensión das cuestións ambientais, así como impulsar a toma de conciencia crítica perante os problemas do noso entorno.
ADEGA presentará mañá sábado día 27 de outubro ás 12 h. na Subdelegación do Governo en Pontevedra unha alegación ao trazado do tramo do TAV Barro-O Carballiño (por Cerdedo) xunto con outros colectivos culturais e ecoloxistas.
Con pé firme está a botar a andar a Masa Crítica de Ponteareas. Así, agora despareceron os logotipos e nace a Masa Crítica como tal, un colectivo que tentará traballar a prol da mellora do transporte colectivo na Comarca do Condado, defendendo o uso da bici como medio de transporte ideal para as pequenas e medias distancias.
Igual que para coñecer o sistema sanitario o mellor é pasar por enfermo uns meses, entre médicos, ambulatorios e hospitais; para coñecer o sistema penal non hai mellor cousa que durmir unhas semanas nas mazmorras dalgunha dos cárceres do país, para coñecer o transporte urbano propoño sacar a bici do faiado logo dos paseos estivais e desprazarse ao traballo polo interior das vísceras do sistema urbano, para experimentar intensamente os fumes, berros, ruídos, insultos da variada fauna humana que cando se sobe a un coche saca o peor que leva dentro e converte a rúa nunha auténtica xungla.
(more…)
A bicicleta resultou o medio máis eficaz para desprazase pola cidade empregando a metade de tempo que o automóbil e unha terceira parte que o autobús
O vindeiro sábado 22 de setembro, Día Europeo sen Coches, terá lugar a 1ª masa Crítica Galega. Sairá ás 12:30 da Alameda de Santiago de Compostela, realizando un percorrido polas rúas da cidade. Achegaranse ciclousuarios e ciclousuarias de toda Galicia. Posteriormente terán un xantar colectivo no Parque de Bonaval completándose o programa de actividades coa proxección do documental “Return of the Scorcher” ás 17:00 no centro social O Pichel na rúa Sta. Clara. Este documental describe os inicios do "movemento" da masa crítica en San Francisco. Ao remate da proxección desenvolverase unha mesa redonda coa participación de representantes de grupos de ciclousuarios/as participantes sobre a situación da bici en Galicia e o seu futuro.
O tráfego urbano é a principal causa de deterioración da calidade de vida nas nosas vilas e cidades. A contaminación atmosférica e acústica do tráfego degrada o ambiente con consecuencias negativas para a nosa saúde (doenzas respiratorias, estrés, perda de audición…). O coche ocupa a maior parte do espazo público, convertendo as rúas e prazas en lugares principalmente de paso, perigosos pola presenza ameazadora do automóbil e sen condicións para cumprir as súas funcións de encontro e de xogo, funcións ás que non debemos renunciar. Cómpre dar un xiro radical na forma de entender o transporte, aplicando criterios ecolóxicos e de sustentabilidade na súa xestión. Neste campo, a bicicleta ten demostrado a súa utilidade polo que é preciso recuperar o seu papel central na mobilidade das persoas.
A protección efectiva da Rede Natura está moi lonxe de ser unha realidade. Aos numerosos proxectos agresivos de iniciativa privada (piscifatorías, LICs litorais, parques eólicos, Brañas de Xestoso, canteiras (Courel e Xistral)… en espazos protexidos, hai que engadir algunhas actuacións promovidas organismos públicos que comprometen gravemente a viabilidade ambiental destes espazos. Casos como as desafortunadas intervencións de Costas en Valdoviño, Baldaio ou O Pindo, ou agora esta "autoestrada" no Monte Louro, amosan un preocupante descoñecemento do conceito xestión ambiental.
día de loito para o Patrimonio Cultural de Galiza. Na mañá do Día Mundial do Medio Ambiente, a necrópole da Mourela foi arrasada por dúas escavadoras. Sen facer públicos os traballos arqueolóxicos sobre o Circulo Lítico, sen estudar outras alternativas ao trazado previsto, sen valorar a posibilidade de construir un túnel por baixo da necrópole como propuña ADEGA, e sen termos constancia de que a D. X. de Patrimonio dera o visto bo, a CPTOPV arrasou o monumento, enclave crucial do megalismo galego. Rematan así 5.000 anos de historia do Círculo Lítico da Mourela. ADEGA e a Plataforma pola Defensa do Patrimonio das Pontes esiximos responsabilidades por esta desfeita.
A asociación ecoloxista galega Verdegaia e a confederación ecoloxista estatal Ecologistas en Acción promoven en Galicia a exposición itinerante “Freemos o cambio climático”. Esta exposición explica que é o cambio climático, as súas causas, os seus efectos a nivel mundial e na Península Ibérica e as súas solucións. A exposición, que consta de 14 paneis, ponse a disposición de asociacións, centros de ensino e institucións de toda Galicia.
(more…)
Luita Verde reproba a subida de 10 céntimos das tarifas do servicio de transporte marítimo na ría de Vigo por parte da empresa Mar de Ons, pero tamén culpabiliza á Consellería de Política Territorial, Obras Públicas e Transporte por autorizala, que tamén é extensible ós concellos de Moaña e Cangas pola súa torpeza e feble implicación .
(more…)
Este programa diríxese a todos os membros da comunidade universitaria co obxectivo de fomentar o uso de medios de transporte alternativos ao coche, fornecendo unha ferramenta práctica para visualizar a viabilidade da bicicleta como modo de transporte, e estudar as particularidades do seu uso en Santiago e Lugo.
A FEG critica o Estudo Informativo da liña de tren de alta velocidade entre Ferrol e Coruña, e o seu Estudio de Impacto Ambiental, pois alén de presentar unha serie de incorreccións, implicaría unha grave afección ao importante bosque de ribeira do río Mero e contribúe aínda máis à desor-ganización do territorio que caracteriza á conurbación Coruña-Ferrol, onde se dan trazados inde-pendentes para unha autovía, unha autoestrada e dúas liñas de tren.
Estes días está exposición pública varios tramos do AVE A Coruña Ferrol, entre eles o tramo entre as localidades entre Betanzos e A Coruña, Tramo que pon en perigo o que queda da coñecida Fraga de Cecebre, inspiración do “Bosque animado” de Wenceslao Fernández Florez. Pero o pobo se mobiliza.
ADEGA denuncia o uso de herbicidas para "acondicionar" as marxes dalgunhas estradas galegas.
Estas práticas, ademáis de contribuir á contaminación química dos acuíferos e ao envelenamento do medio, son un factor engadido de risco de incendios pola cantidade de biomasa vexetal seca que se amorea nas cunetas. ADEGA reclama o abandono destas práticas e a substitución por traballos de rozado mecánico con recuperación da materia orgánica.
| M | T | W | T | F | S | S |
|---|---|---|---|---|---|---|
| « May | ||||||
| 1 | 2 | 3 | 4 | 5 | 6 | |
| 7 | 8 | 9 | 10 | 11 | 12 | 13 |
| 14 | 15 | 16 | 17 | 18 | 19 | 20 |
| 21 | 22 | 23 | 24 | 25 | 26 | 27 |
| 28 | 29 | 30 | 31 | |||
Get free blog up and running in minutes with Blogsome | Theme designs available here